Hiob 1:1 - BAIBLO ALOO NGMAMI KLƆUKLƆU Ɔ

¹ Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Hiob 1:1 ပူးပေါင်းရင်းမြစ်များ

Mose I, 10:23

Aram binyumuhi ji Uz, Hul, Geter, kɛ Meshek.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Mose I, 36:28

Dishan binyumuhi ji Uz kɛ Aran.

Mose I, 42:18

Ligbi nɛ ji etɛ ɔ, Yosef de mɛ ke, “Imi lɛɛ i yeɔ Mawu gbeye; lɔ ɔ he ɔ, nɔ́ nɛ nyɛ maa pee kɛ he nyɛ yi wami ji nɛ ɔ nɛ.

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Kronika I, 1:17

Shem bimɛ ji Elam, Ashur, Arpakshad, Lud, Aram, Uz, Hul, Geter, kɛ Meshek.

Hiob 1:8

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ.”

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Hiob 4:6

Tse o jaa Mawu! Anɛ lɔ ɔ wui mo bua lo? O peeɔ nɔ́ nɛ da blɔ! Anɛ lɔ ɔ ha we mo hɛ nɔ kami lo?

Hiob 9:21

Ke i yeɔ nguɔ kulaa po, e hia we kaa ma susu lɔ ɔ he; ye wami si himi pee we mi akɔnɔ hu.

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Abɛ Womi 14:16

Ní lelɔ yeɔ sane gbeye; e hyɛɛ e he nɔ saminya nɛ e ko pee yayami. Kuasia lɛɛ e heɔ e he yeɔ, nɛ e peeɔ e níhi basabasa.

Abɛ Womi 14:2

Ke o peeɔ nɔ́ nɛ da a, lɔ ɔ tsɔɔ kaa o yeɔ Yawɛ gbeye. Se ke o yi anɔkuale ɔ, lɔ ɔ tsɔɔ kaa o ngɛ e he guɛ gbee.

Abɛ Womi 16:17

Blɔ nɛ kɛ nɔ yɛ yayami mi ɔ, lɔ ɔ nɔ nimli kpakpahi nyɛɛɔ. Nɔ nɛ hyɛɛ e he nɔ saminya a, e he lo yi lɛ e ngɛ baae ɔ nɛ.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 20:7

Bimɛ nɛ a tsɛ yeɔ anɔkuale, nɛ e peeɔ nɔ́ nɛ da a, a gbaa mɛ.

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.

Ezekiel 14:20

imi Nyɔmtsɛ Yawɛ, i ngɛ ye he kita kae keke Noa, Daniel, kɛ Hiob ngɛ lejɛ ɔ tete po, a binyumuhi jio, a biyihi jio, a be a yi wami nyɛe ma he; mɛ nitsɛmɛ pɛ a yi wami kɛkɛ a ma nyɛ he, ejakaa mɛɛ lɛɛ a peeɔ nɔ́ nɛ da.”

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Mose V, 18:13

Moo ye Yawɛ, o Mawu ɔ anɔkuale kɛ pi si.”

Yakobo 5:11

Niinɛ, nihi nɛ to a tsui si wawɛɛ ɔ, wa buu mɛ nihi nɛ a gbaa mɛ. Nyɛ nu bɔ nɛ Hiob to e tsui si, nɛ́ nyagbe ɔ, Nyɔmtsɛ ɔ ha e na ní babauu. Nyɔmtsɛ ɔ mi mi jɔ, nɛ e naa mɔbɔ.

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.