Hebribi 9:9 - BAIBLO ALOO NGMAMI KLƆUKLƆU Ɔ

⁹ Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Somi He Ɔ

⁹ Enɛ ɔ ji mwɔnɛ mwɔnɛ be nɛ ɔ he abɛ nɛ a bu. Lɔ ɔ tsɔɔ kaa a kɛ nike nihi kɛ bɔ sami nihi be nyɛe ma ha nɔ́ nɛ dɛ́ ɔ nɛ hi kɛ pi si ngɛ he nile blɔfami

Hebribi 9:9 ပူးပေါင်းရင်းမြစ်များ

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

Hebribi 5:1

Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Romabi 5:14

Se kɛ je Adam yi nɔ kɛ ba si Mose yi nɔ ɔ, gbenɔ kpata nimli adesahi a hɛ mi wawɛɛ; pohu nimli nɛ ɔmɛ pee we yayami kaa Adam nɛ lɛɛ e tɔ mlaa a nɛ a wo lɛ ɔ tete ɔ. Adam ji nɔ nɛ maa ba a he okadi.

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Hebribi 7:11

Kaa Levi, nɛ e yi nɔ a wo mlaa a, e nina nɛ yeɔ osɔfo ɔ tsu ní bɔ nɛ sa a, jinɛ e he be hiae kaa osɔfo kpa ko kaa Melkizedek nɛ pi Aaron nina ji lɛ kulaa a nɛ ba.

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.

Hebribi 8:4

Je nɛ ɔ mi nɛ e ngɛ jinɛ e be osɔfo yee kulaa. Ejakaa osɔfohi ngɛ nɛ ngɔɔ nike ní kɛ haa Mawu kaa bɔ nɛ Yuda mlaa a tsɔɔ ɔ.