Hebribi 9:7 - BAIBLO ALOO NGMAMI KLƆUKLƆU Ɔ

⁷ Se bo tsu enyɔne ɔ lɛɛ osɔfo nɔkɔtɔma pe kulaa a pɛ lɛ yaa lejɛ ɔ si kake ngɛ jeha mi. Pohu ja e hɛɛ lohwe muɔ kɛ ya ngɛ yayami nɛ lɛ nitsɛ e pee, kɛ yayamihi nɛ ma a li a he be nɛ a pee ɔ a he.

Somi He Ɔ

⁷ se bo tsu nɛ ji enyɔ ɔ, osɔfo nɔkɔtɔma a kɛkɛ lɛ yaa mi si kake daa jeha, nɛ e si we muɔ nɛ e ya, nɔ́ nɛ e kɛ ya haa ngɛ lɛ nitsɛ kɛ ma a tɔmihi nɛ a li ɔmɛ a he ɔ.

Hebribi 9:7 ပူးပေါင်းရင်းမြစ်များ

Mose III, 16:34

Á ye mlaa nɛ ɔmɛ a nɔ kɛ ya neneene. Daa jeha a, a maa pee kusumi nɛ ɔ si kake kɛ kpata Mawu ha Israel bi ɔmɛ ngɛ a he yayami ɔmɛ a he. Mose pee kaa bɔ nɛ Yawɛ fa lɛ ɔ.

Mose III, 5:18

É ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ kaa fɔ nɛ e ye ɔ he bɔ. Osɔfo ɔ maa ngɔ kɛ sã bɔ kɛ kpata Yawɛ ha lɛ, nɛ a kɛ e he yayami ɔ maa pa lɛ.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Mose II, 30:10

Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yesaya 9:16

Nihi nɛ nyɛɛ ma a hɛ mi ɔ ha ma a laa blɔ, nɛ a pee basaa.

Yesaya 3:12

Jokuɛwi lɛ ngɛ ye ma a haoe, nɛ yihi lɛ ngɛ a nɔ yee. Ye ma, o nɔ hyɛli ɔmɛ haa o tlaa blɔ, nɛ a tɔ̃tɔ̃ɔ̃ o nane.

Hebribi 10:3

Se anɔkuale mi ɔ, bɔhi nɛ a sãã daa a haa nɛ a kaiɔ a he yayami ɔmɛ mohu.

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Yesaya 29:14

Lɔ ɔ he ɔ, ma pee nyakpɛ níhi, kɛ níhi nɛ ngɛ gbeyegbeye ngɛ nimli nɛ ɔmɛ a kpɛti ekohu. A ní leli ɔmɛ a nile ɔ, kɛ a ga a maa pee yaka.”

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Kronika II, 33:9

Se Manase mlɔɔ Yuda kɛ Yerusalem ma mi bi ɔmɛ, nɛ a ya pee yayami nɛ kle kulaa pe yayami nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ po.

Samuel II, 6:7

Se Yawɛ Mawu mi mi fu Uza, nɛ e fia lɛ nɔ́ nɛ e gbe ngɛ lejɛ ɔ, ejakaa e nine ta daka a he.

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

Efesobi 4:18

se sisi numi be he. Wami he ɔ nɛ Mawu haa nɔ ɔ, mɛɛ a blɔ nya be mi; ejakaa a li nɔ́ ko nɔ́ ko, nɛ a tsui hu kplii.

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

Hebribi 9:3

A tsɛɛ tsu mi pomi bo enyɔne ɔ se bo tsu ɔ he klɔuklɔu pe kulaa.