Hebribi 9:5 - BAIBLO ALOO NGMAMI KLƆUKLƆU Ɔ

⁵ Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

Somi He Ɔ

⁵ nɛ lɔ ɔ nɔ nyami kerubim nɛ ha kpatami sɛ ɔ nɔ ɔ ngɛ, nihi nɛ amlɔ nɛ ɔ wa be nyɛe a he munyu tumi kakaaka a.

Hebribi 9:5 ပူးပေါင်းရင်းမြစ်များ

Mose IV, 7:89

Benɛ Mose ya sɛ kpe he bo tsu ɔ mi, konɛ e kɛ Yawɛ nɛ ya tu munyu ɔ, e nu Yawɛ gbi nɛ e kɛ lɛ ngɛ munyu tue kɛ je somi daka a nya nɔ́ ɔ yi mi, ngɛ kerub enyɔ ɔmɛ a kpɛti.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

La 80:1

Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Kronika I, 28:11

Kɛkɛ nɛ David ngɔ foni ɔ nɛ a maa hyɛ nɔ kɛ ma Yawɛ we ɔ kɛ e mi tsu ɔmɛ ɔ, nito he ɔmɛ, hiɔwe tsu ɔmɛ, se tsu ɔmɛ, kɛ he klɔuklɔu pe kulaa a, he nɛ a kɛ yayami paa ngɛ ɔ ngɔ ha Salomo.

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

Romabi 9:4

Mɛ ji Israel bi; nɛ Mawu nitsɛ nɛ ngɔ mɛ kɛ pee e ma; e wo a hɛ mi nyami, e kɛ mɛ so, nɛ e ha mɛ mlaa a; e tsɔɔ mɛ jami blɔ nya tomi, nɛ mɛ nɔuu nɛ e wo si ɔ nɛ.