Hebribi 9:4 - BAIBLO ALOO NGMAMI KLƆUKLƆU Ɔ

⁴ Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Somi He Ɔ

⁴ Lejɛ ɔ tsopa kɛ e he via sami nɔ́ kɛ somi daka nɛ a kɛ sika ha he kulaa a ngɛ, lɔ ɔ mi sika kplu kɛ mana a kɛ Aaron tso nɛ su ba a kɛ somi tɛ tɛtlɛɛ ɔmɛ a nɔ ɔ ngɛ;

Hebribi 9:4 ပူးပေါင်းရင်းမြစ်များ

Mose IV, 17:10

Lɔ ɔ se ɔ, Yawɛ de Mose ke, “Kpale Aaron dɛma tso ɔ ya fɔ daka a nɛ somi womi ɔ ngɛ mi ɔ hɛ mi ekohu, nɛ e hi lejɛ ɔ kaa kɔkɔ bɔmi nɔ́ kɛ ha atuã tsɔli ɔmɛ bɔ nɛ pee nɛ a munyu huitihuiti ɔmɛ nɛ a tuɔ kɛ siɔ mi ɔ se nɛ po. Ke pi ja a, a ma gbo.”

Kronika II, 5:10

Nɔ́ ko nɔ́ ko be somi daka a mi, kaa ja tɛ tɛtlɛɛ enyɔ ɔmɛ nɛ Mose ngɔ to lejɛ ɔ ngɛ Sinai yo ɔ nɔ ɔ. Yawɛ kɛ Israel ma a so somi ngɛ Sinai, be mi nɛ a je Egipt zugba a nɔ kɛ ma a.

Mose III, 16:12

e ngɔ ngɛyu kɛ je la ngɛ bɔ sami la tɛ ɔ nɔ, nɛ e piti tsopa kɛ e he via nɛ a wɛɛ lɛ bukɔbukɔ dɛ kɔkɔ enyɔ, nɛ e kɛ sɛ he klɔuklɔu pe kulaa a.

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Mose II, 26:33

Ngɔɔ tsu mi pomi bo ɔ kɛ bɛ gbowe ɔmɛ a nya kɛ kpla si, nɛ o ngɔ daka a nɛ somi womi ɔ ngɛ mi ɔ kɛ ba ma e se blɔ, konɛ tsu mi pomi bo ɔ nɛ po he klɔuklɔu ɔ, kɛ he klɔuklɔu pe kulaa a kpɛti ha nyɛ.

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose II, 34:29

Benɛ Mose kple si kɛ je Sinai yo ɔ nɔ kɛ ma a, e hɛɛ tɛ tɛtlɛɛ enyɔ ɔmɛ nɛ mlaa amɛ ngɛ a nɔ ɔ ngɛ e dɛ mi. E hɛ mi ngɛ kpɛe, ejakaa e kɛ Yawɛ ya tu munyu; se mohu lɛ nitsɛ e li enɛ ɔ.

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

Matsɛmɛ I, 8:21

Jehanɛ se hu, i hla he ko ngɔ to ngɛ Yawɛ we ɔ, he nɛ a kɛ somi daka a maa to. Benɛ Yawɛ jé wa nɛmɛ ɔmɛ kɛ je Egipt zugba a nɔ ɔ, somi nɛ e kɛ mɛ so ɔ ngɛ daka nɛ ɔ mi.”

Matsɛmɛ I, 8:9

Nɔ́ ko nɔ́ ko be somi daka a mi kaa ja tɛ tɛtlɛɛ enyɔ ɔmɛ nɛ Mose ngɔ wo mi kɛ je Sinai yo ɔ nɔ ɔ. Yawɛ kɛ Israel ma a so ngɛ lejɛ ɔ be mi nɛ a je Egipt zugba a nɔ kɛ ma a.

Matsɛmɛ I, 7:50

kplu ɔmɛ, la gbemi ní ɔmɛ, kã amɛ, kɛ ngɛyu ɔmɛ nɛ a kɛ jeɔ la a; he klɔuklɔu pe kulaa a sinya amɛ a se asa amɛ, kɛ Yawɛ we ɔ kpo nɔ je sinya amɛ a se asa amɛ.

Mose IV, 17:8

E nɔ jena a benɛ Mose ya bo tsu ɔ mi he nɛ somi womi ɔ ngɛ ɔ, e na kaa Aaron tso ɔ nɛ daa si ha Levi wɛtso ɔ tsɛ̃ tso hɛngmɛ he, e pɛ mɔmɔ, nɛ e wo ngmɛ́hi nɛ fu.

Mose II, 39:35

somi daka a nɛ mlaa amɛ ngɛ mi ɔ, e he tso ɔmɛ kɛ e nya nɔ́ ɔ;

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:15

Kɛkɛ nɛ Mose plɛ e he nɛ e kple si kɛ je yo ɔ nɔ kɛ ma, nɛ e hɛɛ tɛ tɛtlɛɛ enyɔ ɔmɛ nɛ a ngma mlaa amɛ ngɔ fɔ a nɔ ɔ ngɛ e dɛ mi; a ngma mlaa amɛ ngɛ hɛ mi kɛ se tsuo.

Mose II, 37:25

Tsopa kɛ e he via sami la tɛ ɔ, e ngɔ akasia tso kɛ pee. E pee lɛ kɔ nya eywiɛ; e kami ji nine mi blimi enyɔ, e blimi ji nine mi blimi enyɔ, nɛ e si temi ji nine mi blimi eywiɛ. E kɛ e koli ɔmɛ ngɛ kɔ nya eywiɛ ɔmɛ tsa.

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Mose V, 9:11

Nyɔnyɔɔnyɔ kɛ piapiaapia ligbi nyingmi eywiɛ se loko Yawɛ ngɔ tɛ tɛtlɛɛ enyɔ ɔmɛ nɛ e ngma mlaa amɛ ngɛ a nɔ ɔ ngɔ ha mi.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.