Hebribi 9:2 - BAIBLO ALOO NGMAMI KLƆUKLƆU Ɔ

² A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Somi He Ɔ

² A ma bo tsu ko ngɔ ma si, nɛ e kpo nɔ je ɔ, kane tso kɛ okplɔɔ kɛ hɛ mi mami abolohi ngɛ lejɛ ɔ; a tsɛɛ lejɛ ɔ ke He klɔuklɔu.

Hebribi 9:2 ပူးပေါင်းရင်းမြစ်များ

Mose II, 40:4

Ngɔɔ okplɔɔ ɔ kɛ ba ma kpe he bo tsu ɔ mi nɛ o to ní ɔmɛ tsuo kɛ ma nɔ pɛpɛɛpɛ. Lɔ ɔ se ɔ, ngɔɔ kane tso ɔ hu kɛ ba mi, nɛ o ngɔ kane ɔmɛ kɛ ma nɔ.

Mose II, 26:35

Ngɔɔ okplɔɔ ɔ kɛ ma tsu mi pomi bo ɔ hɛ mi ngɛ kpe he bo tsu ɔ we omleyi je, konɛ kane tso ɔ lɛɛ e ya je leneyi je, ngɛ okplɔɔ ɔ hanɔ tutuutu.

Mose II, 40:2

“Kekleekle nyɔhiɔ ɔ we kekleekle ligbi ɔ nɔ ɔ, ngɔɔ kpe he bo tsu ɔ kɛ ma si.

Mose II, 26:33

Ngɔɔ tsu mi pomi bo ɔ kɛ bɛ gbowe ɔmɛ a nya kɛ kpla si, nɛ o ngɔ daka a nɛ somi womi ɔ ngɛ mi ɔ kɛ ba ma e se blɔ, konɛ tsu mi pomi bo ɔ nɛ po he klɔuklɔu ɔ, kɛ he klɔuklɔu pe kulaa a kpɛti ha nyɛ.

Mose II, 29:35

“Aaron kɛ e binyumu ɔmɛ a osɔfo womi kusumi ɔ, moo pee lɛ ligbi kpaago kaa bɔ nɛ i fa mo ɔ pɛpɛɛpɛ.

Mose II, 29:1

“Enɛ ɔ ji nɔ nɛ ó pee nɛ o kɛ tsukɔ Aaron kɛ e binyumu ɔmɛ a he nɛ a sɔmɔ mi kaa ye we osɔfohi. Ngɔɔ na niheyo kake, kɛ agbosu enyɔ nɛ kpa be a he.

Mose II, 25:23

“Ngɔɔ akasia tso nɛ o kɛ kpɛ okplɔɔ; e kami nɛ pee nine mi blimi eywiɛ, e blimi nɛ pee nine mi blimi enyɔ, nɛ e si temi nɛ pee nine mi blimi etɛ.

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Mose II, 25:31

“Ngɔɔ sika tsu ngmingmiingmi kɛ pee kane tso. Kane tso ɔ sisi je kɛ e kpɛti tso ɔ lɛɛ ngɔɔ sika tsu nɛ a si nɔ tɛtlɛɛ kɛ pee. Moo pee mɔmɔhi: ní nɛmɛ nɛ blɛkee we lolo, kɛ ní nɛmɛ nɛ blɛke, nɛ a kɛ kane tso ɔ nɛ tsa mluguduu kake.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Mateo 5:15

Jehanɛ se hu, nɔ ko su we kane kɛ ma sowe sisi; mohu e kɛ maa kane tso nɔ, nɛ́ e tso ha nihi tsuo nɛ ngɛ we ɔ mi.

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Hebribi 9:25

Yuda osɔfo nɔkɔtɔma pe kulaa a yaa he klɔuklɔu pe kulaa a daa jeha kɛ muɔ nɛ pi lɛ nitsɛ e nɔ. Se Kristo ya lejɛ ɔ, pi nɛ e ngɔ e he ya sã bɔ si abɔ.