Hebribi 9:11 - BAIBLO ALOO NGMAMI KLƆUKLƆU Ɔ

¹¹ Se Kristo ba kaa osɔfo nɔkɔtɔma pe kulaa kɛ ha blɔ nya tomi kpakpa nɛ wa na nɛ ɔ. Bo tsu nɛ e sɔmɔɔ ngɛ mi ɔ kle, nɛ e hi kɛ pi si. Pi adesa nɛ pee, nɛ tsɔɔ kaa pi je nɛ ɔ mi níhi nɛ a bɔ ɔ eko.

Somi He Ɔ

¹¹ Se Kristo nɛ ba ba ye ni kpakpahi nɛ maa ba amɛ a he osɔfo nɔkɔtɔma a, gu bo tsu nɛ kle nɛ hi kɛ pi si nɛ pi nine nɛ a kɛ pee, lɔ ɔ ji kaa pi je nɛ ɔ mi bɔ nihi a mi nɛ e je ɔ mi,

Hebribi 9:11 ပူးပေါင်းရင်းမြစ်များ

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Hebribi 10:1

Yuda bi ɔmɛ a mlaa a ngɛ kaa ní kpakpahi nɛ hi kɛ pi si nɛ maa ba hwɔɔ se ɔ a nini kɛkɛ, pi ní ɔmɛ nitsɛmɛ. Lɛɛ kɛ a maa pee kɛ gu kikɛmɛ a bɔ kake too nɛ a hii sãe nɔtonɔto daa jeha a nɔ kɛ tsu nihi nɛ baa Mawu ngɔ ɔ a he nɛ a hi kɛ pi si kɛɛ?

Marko 14:58

“Wɔ nitsɛmɛ wa nu nɛ e de ke, ‘Ma ku sɔlemi we nɛ nimli ma nɛ ɔ, nɛ ligbi etɛ se ɔ, ma ma ekpa nɛ pi nimli nɛ ma.’ ”

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Ni Tsumi 7:48

“Pohu Hiɔwe No ɔ tsa hi tsu nɛ a kɛ adesa nine pee mi kaa bɔ nɛ gbalɔ ɔ hu de ɔ.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Yohane 4:25

Yo ɔ de lɛ ke, “I le kaa Mesia a nɛ a tsɛɛ lɛ Kristo ɔ ma, nɛ ke e ba a, e maa tsɔɔ wɔ nɔ́ tsuaa nɔ́.”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

La 40:7

Kɛkɛ nɛ i de ke, “O nɛ mi; i ba; a ngma ye he sane ngɛ womi kpo ɔ mi.

Hebribi 7:1

Melkizedek ɔ, Salem matsɛ, kɛ Mawu Ope ɔ we osɔfo ji lɛ. Be ko ɔ, Abraham kɛ matsɛmɛ komɛ ya hwu ta, nɛ e ye a nɔ. Benɛ e kpale kɛ ma a, e kɛ Melkizedek ba kpe, nɛ Melkizedek gbaa lɛ.

Yesaya 59:20

Bɔ nɛ Yawɛ ngɛ e ma a dee ji nɛ ɔ nɛ, “Ma ba Yerusalem, nɛ nyɛ nihi tsuo nɛ nyɛ kpa yayami peemi ɔ, ma ba he nyɛ yi wami.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

Mateo 11:3

ke, “Anɛ mo ji nɔ nɛ ma a, aloo waa hyɛ nɔ kpa blɔ?”

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Yeremia 33:8

Ma tsu a he kɛ je yayamihi tsuo nɛ a pee kɛ si mi ɔ a he; ma ngɔ a he yayami ɔmɛ, kɛ ye hɛ mi atuã nɛ a tsɔ ɔ kɛ pa mɛ.

2 Korintobi 4:18

Wa ngɔ wa hɛ ngɔ fɔ níhi nɛ a nɛ́ nɔ, se pi níhi nɛ a naa. Ejakaa níhi nɛ a naa a, hii si be bɔɔ ko kɛkɛ; se níhi nɛ a nɛ́ ɔ, hii si kɛ yaa neneene.

Hebribi 12:27

Munyu, “Si kake ekohu” ɔ, tsɔɔ paa kaa níhi nɛ a bɔ nɛ a mimiɛ ɔ maa je a hi he, konɛ níhi nɛ a be nyɛe ma mimiɛ ɔ nɛ a hi si daa.

Hebribi 13:14

Ejakaa wa be ma nɛ ngɛ daa ngɛ zugba a nɔ hiɛmɛ nɛ ɔ, se ma nɛ maa ba a mohu se blɔ wa ngɛ hlae.