Hebribi 9:1 - BAIBLO ALOO NGMAMI KLƆUKLƆU Ɔ

¹ Kekleekle somi ɔ hɛɛ blɔ nya tomi nɛ a kɛ ma ja Mawu, kɛ he ko hulɔ nɛ adesa pee nɛ ngɛ klɔuklɔu nɛ a ma ja Mawu ngɛ.

Somi He Ɔ

¹ Jehanɛ kekle somi ɔ hu ngɛ Mawu jami blɔ nya nihi kɛ He klɔuklɔu nɛ ji je nɛ ɔ mi nɔ́ ɔ.

Hebribi 9:1 ပူးပေါင်းရင်းမြစ်များ

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Hebribi 8:2

E sɔmɔɔ ngɛ he klɔuklɔu pe kulaa nɛ ji bo tsu nitsɛnitsɛ nɛ Nyɔmtsɛ ɔ nitsɛ ma, se pi nɔmlɔ adesa ko nɛ ma a.

Mose III, 18:30

Yawɛ de kɛ gbe nya ke, “Lɔ ɔ he ɔ, nyɛɛ ye ye mlaa amɛ a nɔ. Musu bɔmi níhi nɛ ni nɛmɛ nɛ hi zugba a nɔ kekle ɔ pee ɔ, nyɛ ko pee nɛ nyɛ ba ble nyɛ he. Imi ji Yawɛ, nyɛ Mawu ɔ nɛ.”

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Hebribi 8:7

Kaa tɔmi ko be kekleekle somi ɔ he ɔ, jinɛ somi enyɔne he hia we.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Ezekiel 43:11

Ke a hɛ mi pue si kikɛ nɛ ɔ ngɛ a yayami ɔmɛ a he ɔ, lɛɛ ngɔɔ we ɔ he nɔ́ tsuaa nɔ́ kɛ tsɔɔ mɛ: e kami, e blimi, e hiɔwe yami, e blɔ nya tomi, hehi nɛ a guu kɛ sɛɛ we ɔ mi, kɛ hehi nɛ a guu kɛ jee kpo. Tsɔɔ mɛ mlaahi nɛ kɔɔ we ɔ he tsuo. Kadi ní nɛ ɔmɛ tsuo ngɛ womi nɔ ha mɛ, konɛ a na bɔ nɛ a to ní ɔmɛ pɛpɛɛpɛ ha, bɔ nɛ blɔ nya tomi ɔmɛ, kɛ ye mlaa amɛ tsuo ngɛ, nɛ a ye a nɔ fitsofitso.

Mose IV, 9:12

A ko si eko nɛ je nɛ na yi, nɛ á ko ywia lohwe ɔ wu ko hulɔ; a ye Hetsɔmi ɔ kaa bɔ nɛ mlaa a tsɔɔ ɔ.

Hebribi 8:13

Ke Mawu ngɛ somi he he munyu tue ɔ, lɛɛ e ngɛ tsɔɔe kaa kekleekle somi ɔ wo momo. Jehanɛ hu, nɔ́ tsuaa nɔ́ nɛ wo momo, loo e bwɔ ɔ, e be kɛe nɛ e maa laa.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Romabi 9:4

Mɛ ji Israel bi; nɛ Mawu nitsɛ nɛ ngɔ mɛ kɛ pee e ma; e wo a hɛ mi nyami, e kɛ mɛ so, nɛ e ha mɛ mlaa a; e tsɔɔ mɛ jami blɔ nya tomi, nɛ mɛ nɔuu nɛ e wo si ɔ nɛ.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.