Hebribi 8:9 - BAIBLO ALOO NGMAMI KLƆUKLƆU Ɔ

⁹ Somi he nɛ ɔ maa slo kulaa ngɛ somi nɛ i kɛ a nɛmɛ ɔmɛ so blema benɛ i je mɛ kɛ je Egipt ɔ he. Somi nɛ i kɛ mɛ so ɔ, a yi nɔ; lɔ ɔ he ɔ, i ngmɛɛ a he.

Somi He Ɔ

⁹ Pi kaa somi nɛ i kɛ a tsɛmɛ ɔmɛ so Benɛ i pɛtɛ a nine mi nɛ i kɛ mɛ je Mizraim zugba a nɔ ɔ; Ejakaa a yi ye somi ɔ nɔ Nɛ imi hu i bui a he akɔtaa, Nyɔmtsɛ ɔ lɛ de.

Hebribi 8:9 ပူးပေါင်းရင်းမြစ်များ

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Galatabi 4:24

Ní nɛ ɔmɛ daa si ngɛ ní pɔtɛɛ komɛ a nane mi. Yi enyɔ ɔmɛ daa si ha somi enyɔ. A kpɛti nɔ kake ji Hagar. E je Sinai yo ɔ nɔ; nɛ bimɛ nɛ e fɔ ɔ, nyɔguɛhi ji mɛ.

Marko 8:23

Kɛkɛ nɛ Yesu nu hɛ yuyuilɔ ɔ kɔni si, nɛ e kɛ lɛ je kɔpe ɔ mi. Yesu su lada pue nyumu ɔ hɛngmɛ ɔmɛ a nɔ, nɛ e ngɔ e ninehi ngɔ pue e nɔ; nɛ e bi lɛ ke, “O ngɛ nɔ hyɛe lo?”

Ni Tsumi 13:11

Hyɛ, Nyɔmtsɛ ɔ ma je e he wami kpo kɛ tsɔɔ mo jehanɛ; o hɛ ma yu; o be pu la nae kɛ maa su be ko!” Amlɔ nɔuu ɔ, Elima hɛngmɛ nɔ wo afua, nɛ e pee kpii. Kɛkɛ nɛ e bɔni si tataami ngɛ nɔ ko hlae nɛ maa ta e dɛ mi nɛ e tsɔɔ lɛ blɔ.

Ni Tsumi 9:8

Saulo te si, nɛ e bli e hɛngmɛ, se e hyɛ we nɔ́. Lɔ ɔ he ɔ, a nu e nine si kɛ ya Damasko.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Ezekiel 16:59

Nyɔmtsɛ Yawɛ ke, “I kɛ mo maa to ní kaa bɔ nɛ mo hu o pee ɔ; ejakaa o bui somi ɔ, nɛ kita nɛ o ka a, o yi nɔ.

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Lahi 8:5

Mɛnɔ nɛ je nga kplanaa a nɔ kɛ ma, nɛ e kɛ e nine la e suɔlɔ mi kikɛ nɛ ɔ? Imi nɛ i ba tsɛ̃ɛ̃ mo ngɛ tso nɛ yiblii ngɔɔ saminya a sisi, he nɛ o nyɛ nu kɔɔmi nɛ e fɔ mo ngɛ ɔ.

La 105:43

Kɛkɛ nɛ e kpaka e ma nɛ e hla a kɛ je; a la, nɛ a hwɔ lele.

La 78:57

A je Mawu se; a yi lɛ anɔkuale kɛ pi si kaa a nɛmɛ ɔmɛ nɔuu. A gba kɛ je e blɔ ɔ nɔ kaa kɛ̃ɛ̃ nɛ mi dɔ nɛ nyɛ we nɛ e ya e hɛ mi tɛɛ.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

Hiob 8:20

Nɔ nɛ peeɔ nɔ́ nɛ da a, Mawu be lɛ kuae. Mawu be nimli yayamihi a he piɛe kɔkɔɔkɔ.

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Mose V, 29:12

Nyɛ ba hiɛmɛ nɛ ɔ, konɛ nyɛɛ fua ngɔ fɔ somi nɛ Yawɛ, nyɛ Mawu ɔ kɛ nyɛ ngɛ soe ɔ nɔ, nɛ nyɛɛ pɛtɛ níhi nɛ sa nɛ nyɛ tsu ngɛ mi ɔ a he.

Mose V, 29:1

Somi nɛ Yawɛ fa Mose ke e kɛ Israel bi ɔmɛ nɛ a so ngɛ Moab zugba a nɔ ɔ mi munyu komɛ ji nɛ ɔmɛ nɛ. E slo somi nɛ Yawɛ nitsɛ kɛ Israel ma a so ngɛ Sinai yo ɔ he ɔ.

Mose II, 34:10

Yawɛ de Mose ke “Hyɛ i kɛ Israel ma a ngɛ soe. Ma pee nyakpɛ níhi ngɛ a kpɛti nɛ eko bɛ hyɛ ngɛ je nɛ ɔ mi he ko he ko, aloo ngɛ ma ko ma ko mi. Je ma amɛ tsuo nɛ bɔle mo ɔ maa na ní nguahi nɛ imi Yawɛ, i ngɛ tsue; ejakaa nɔ́ nɛ i yaa pee ha mo ɔ he ngɛ gbeye.

Mose I, 19:16

Lot bɔni tsle tomi. Se akɛnɛ Yawɛ na lɛ mɔbɔ he je ɔ, nyumu ɔmɛ ya nu e kɛ e yo ɔ, kɛ e biyi ɔmɛ a nine si pani nya, nɛ a gbla mɛ kɛ je ma a mi.

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

Kɔmɔ Yemi 4:16

Yawɛ hyɛ we a nɔ hu. Yawɛ nitsɛ nɛ e gbɛ mɛ ngɔ fĩa. E pee we osɔfo ɔmɛ a he akɔtaa hu, nɛ wa ma nimeli ɔmɛ hu, e nɛ mɛ mɔbɔ.

Yesaya 51:18

Nɔ ko nɔ ko be o bimɛ ɔmɛ a kpɛti nɛ maa tsɔɔ mo blɔ; nɔ ko nɔ ko be bimɛ ɔmɛ tsuo nɛ o tsɔse ɔ a kpɛti nɛ maa ta o dɛ mi kɛ nyɛɛ.

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.