Hebribi 8:5 - BAIBLO ALOO NGMAMI KLƆUKLƆU Ɔ

⁵ Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Somi He Ɔ

⁵ nihi nɛ hiɔwe ni ɔmɛ a henɔ kɛ a nini kɛkɛ a sɔmɔɔ, kaa bɔ nɛ a tu munyu tsɔɔ Mose, benɛ e maa ma bo tsu ɔ ke: “Hyɛ nɛ hi, konɛ o pee ni ɔmɛ kulaa ngɛ henɔ nɛ a tsɔɔ mo ngɛ yoku ɔ nɔ ɔ nya.”

Hebribi 8:5 ပူးပေါင်းရင်းမြစ်များ

Kronika I, 28:12

David ha Salomo fonihi nɛ a maa hyɛ a nɔ kɛ ma níhi tsuo nɛ ngɛ e juɛmi mi, Yawɛ we ɔ he kue ɔmɛ, tsuhi nɛ bɔle mɛ kɛ kpe ɔ, níhi nɛ a kɛ tsuɔ ní ngɛ Yawɛ we ɔ, kɛ nike níhi nɛ a gbaa nɔ kɛ ha Yawɛ ɔ a to hehi.

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Mose II, 25:40

Hyɛ nɛ o pee mɛ pɛpɛɛpɛ kaa henɔhi nɛ i ngɛ mo tsɔɔe ngɛ yo ɔ nɔ ɔ.

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose II, 26:30

O pee kpe he bo tsu nɛ ɔ pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.

Mose II, 27:8

Ngɔɔ gbegbeli kɛ kpɛ bɔ sami la tɛ ɔ; nɛ o ha blɔ nɛ hi mi kaa bɔ nɛ i tsɔɔ mo ngɛ yo ɔ nɔ ɔ pɛpɛɛpɛ.

Mose IV, 8:4

Bɔ nɛ a pee kane tso ɔ ji nɛ ɔ nɛ: a ngɔ sika tsu nɛ a fia nɔ tɛtlɛɛ kɛ pee kane tso ɔ kɛ je e nane kɛ ya si e mɔmɔ ɔmɛ a he, kaa bɔ nɛ nɔ hyɛmi nɔ́ ɔ nɛ Yawɛ kɛ tsɔɔ Mose ɔ ngɛ ɔ pɛpɛɛpɛ.

Mateo 2:12

Akɛnɛ Mawu je tsɔɔ mɛ ngɛ nlami mi ke a ko kpale a se kɛ ya Herode ngɔ hu he je ɔ, a gu blɔ kpa kɛ ho a ma mi ya.

Ni Tsumi 7:44

“Wa nɛmɛ ɔmɛ hɛɛ bo tsu nɛ tsɔɔ Mawu sihi he ɔ ngɛ nga a nɔ. A pee bo tsu ɔ pɛpɛɛpɛ kaa bɔ nɛ Mawu de Mose ke e pee ɔ.

Kolosebi 2:17

Ní nɛ ɔmɛ tsuo ngɛ kaa níhi nɛ maa ba hwɔɔ se ɔ a nini kɛkɛ; nitsɛnitsɛ ɔ ji Kristo.

Hebribi 10:1

Yuda bi ɔmɛ a mlaa a ngɛ kaa ní kpakpahi nɛ hi kɛ pi si nɛ maa ba hwɔɔ se ɔ a nini kɛkɛ, pi ní ɔmɛ nitsɛmɛ. Lɛɛ kɛ a maa pee kɛ gu kikɛmɛ a bɔ kake too nɛ a hii sãe nɔtonɔto daa jeha a nɔ kɛ tsu nihi nɛ baa Mawu ngɔ ɔ a he nɛ a hi kɛ pi si kɛɛ?

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Hebribi 13:10

Wa ngɛ bɔ sami la tɛ ko nɛ nihi nɛ sɔmɔɔ ngɛ bo tsu ɔ mi ɔ be he blɔ kaa a yeɔ e nɔ ní.

Hebribi 9:9

Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Yoshua 22:28

Wa juɛmi ji, ke e maa ba mi ja a, wa nina ma nyɛ ma de ke, ‘Nyɛ nɛ́ kaa wa nɛmɛ ɔmɛ ma bɔ sami la tɛ nɛ ngɛ kaa Yawɛ bɔ sami la tɛ ɔ pɛpɛɛpɛ lo? A ma bɔ sami la tɛ nɛ ɔ, pi nɛ a sã sami bɔ, loo bɔ kpa komɛ ngɛ nɔ; se mohu kaa e pee okadi ha nyɛ nina, kɛ wa nina.’

Kpojemi 15:5

Enɛ ɔ se ɔ, i na nɛ sɔlemi we ɔ nɛ ngɛ hiɔwe ɔ nya bli, nɛ bo tsu klɔuklɔu ɔ maa si ngɛ mi.