Hebribi 8:4 - BAIBLO ALOO NGMAMI KLƆUKLƆU Ɔ

⁴ Je nɛ ɔ mi nɛ e ngɛ jinɛ e be osɔfo yee kulaa. Ejakaa osɔfohi ngɛ nɛ ngɔɔ nike ní kɛ haa Mawu kaa bɔ nɛ Yuda mlaa a tsɔɔ ɔ.

Somi He Ɔ

⁴ Se kaa zugba a nɔ e ngɛ jinɛ, e be osɔfo tete pee, ejakaa osɔfohi nɛ kɛ nike nihi ya haa ngɛ Mlaa nya a ngɛ;

Hebribi 8:4 ပူးပေါင်းရင်းမြစ်များ

Hebribi 5:1

Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Hebribi 8:3

A woɔ osɔfo nɔkɔtɔma pe kulaa, konɛ e ngɔ nike ní kɛ ha Mawu, nɛ e sã bɔ ha lɛ. Lɔ ɔ he ɔ, wa osɔfo nɔkɔtɔma pe kulaa a hu e hia nɛ e ná nɔ́ ko nɛ e kɛ ha Mawu.

Hebribi 9:9

Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.