Hebribi 8:13 - BAIBLO ALOO NGMAMI KLƆUKLƆU Ɔ

¹³ Ke Mawu ngɛ somi he he munyu tue ɔ, lɛɛ e ngɛ tsɔɔe kaa kekleekle somi ɔ wo momo. Jehanɛ hu, nɔ́ tsuaa nɔ́ nɛ wo momo, loo e bwɔ ɔ, e be kɛe nɛ e maa laa.

Somi He Ɔ

¹³ Somi he nɛ ɔ he munyu ɔ, ha kekle nɔ ɔ pee momo. Se nɔ́ tsuaa nɔ́ nɛ pee momo kɛ nɔ́ nɛ bwɔ ɔ, e be kɛe nɛ e maa laa.

Hebribi 8:13 ပူးပေါင်းရင်းမြစ်များ

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

1 Korintobi 13:8

Suɔmi se pui gblegbleegble. Se mumi mi nike níhi kaa Mawu munyu ɔ fiɛmi, kɛ gbi slɔɔtohi tumi, kɛ nile lɛɛ a se maa po ligbi ko.

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Luka 22:20

Benɛ a ye ní ɔ ta a, e wo kplu ɔ ja nɔuu, nɛ e de mɛ ke, “Kplu nɛ ɔ ji Mawu somi he ɔ nɛ a ngɔ ye muɔ nɛ a plɛ ngɔ pue si ha nyɛ ɔ kɛ sɔu nya a nɛ.]

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

Hebribi 1:11

A hɛ mi ma kpata, se moo lɛɛ o maa hi si daa.

Hebribi 7:22

Slɔɔto nɛ ngɛ mi ji Yesu ba pee nɔ nɛ a gu e nɔ kɛ so somi nɛ hi pe kulaa.

Hebribi 8:6

Amlɔ nɛ ɔ lɛɛ osɔfo ní tsumi nɛ a ha Yesu ɔ pã osɔfo ɔmɛ a nɔ́ ɔ kulaa. Jã kɛ̃ somi nɛ Yesu ha nɛ Mawu kɛ e ma a so ɔ hu pe a nɔ́ ɔ, ejakaa Mawu wo mɛ si ngɛ ní kpakpahi nɛ pe kekle ní ɔmɛ a he.

Hebribi 8:8

Se Mawu na kaa a tɔ̃; enɛ ɔ he je nɛ e de ke, “Be ma nɛ i kɛ Israel, kɛ Yuda maa so somi he.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.