Hebribi 7:7 - BAIBLO ALOO NGMAMI KLƆUKLƆU Ɔ

⁷ E fɔɔ si paa kaa nɔ nɛ nɔ kuɔ lɛ gbaa nɔ nɛ ngɛ e sisi.

Somi He Ɔ

⁷ Nguane jemi ko be he kulaa kaa nɔ nɛ kle pe e nyɛmi ɔ lɛ e gbaa nɔ nɛ klee we ɔ.

Hebribi 7:7 ပူးပေါင်းရင်းမြစ်များ

Kronika II, 30:27

Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Matsɛmɛ I, 8:55

E wo gbi wawɛɛ nitsɛ, nɛ e gbaa Israel ma kpekpemi ɔ nɛ bua a he nya ngɛ lejɛ ɔ, nɛ e de ke,

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Mose I, 49:28

Yakob bimɛ, Israel wɛtso nyɔngma kɛ enyɔ ɔmɛ ji nɛ ɔmɛ nɛ. Benɛ a tsɛ ɔ kɛ mɛ ye nyagbe sɛ, nɛ e gbaa mɛ ɔ, munyuhi nɛ e tu mɛ ji nɛ ɔmɛ nɛ; nɔ tsuaa nɔ ná e nɔ́.

Hebribi 7:6

Melkizedek ɔ, pi Levi nina ji lɛ, se e he mi dlami nyɔngma mi kake ɔ ngɛ Abraham, nɔ nɛ lɛɛ Mawu wo lɛ si ɔ dɛ, nɛ e gbaa lɛ.

Hebribi 7:8

Hiɛ ɔ, ni nɛmɛ nɛ heɔ mi dlami nyɔngmanyɔngma mi kakaaka a, nimli adesahi kɛkɛ ji mɛ, nɛ a gboɔ. Se ngɛ he ko lɛɛ nɔ nɛ a ye e he odase kaa e maa hi si kɛ maa ya neneene ɔ, lɛ nɛ he.