Hebribi 7:21 - BAIBLO ALOO NGMAMI KLƆUKLƆU Ɔ

²¹ Se Yesu lɛɛ, Mawu ka kita nɛ e kɛ wo lɛ osɔfo. Mawu de lɛ ke, “I ngɛ mo kita kae, nɛ i be ye nya se kpalee. ‘Osɔfo ji mo kɛ yaa neneene.’ ”

Somi He Ɔ

²¹ Se Yesu lɛɛ, kita kami a kɛ wo lɛ, benɛ Mawu de lɛ ke: “Nyɔmtsɛ ɔ ka kita Nɛ e be e he piae: Osɔfo ji mo kɛ yaa neneene” ɔ.

Hebribi 7:21 ပူးပေါင်းရင်းမြစ်များ

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

Hebribi 7:17

Ejakaa ngmami ɔ deɔ ke, “Osɔfo ji mo kɛ yaa neneene kaa Melkizedek pɛ.”

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Hebribi 5:6

Mawu de ngɛ ngmami ɔ he kpa hu ke, “Osɔfo ji mo kɛ yaa neneene kaa Melkizedek pɛ.”

Hebribi 7:20

Mawu ka kita hu kɛ ma enɛ ɔ nɔ mi; ni komɛ lɛɛ benɛ a wo mɛ osɔfo ɔ, Mawu ka we kikɛmɛ a kita nɛ ɔ.

Hebribi 7:23

Slɔɔto kpa hu nɛ ngɛ ji kaa jamɛ a osɔfo ɔmɛ a he hiɛ babauu, ejakaa gbenɔ ha we nɛ a se nɛ kɛ nɛ a kɛ tsu ní.

Hebribi 7:28

Mose mlaa a nya a, nihi nɛ a wo mɛ osɔfo nɔkɔtɔma pe kulaa a, sé ngɛ a he. Se si nɛ Mawu wo nɛ e ka kita ngɔ fɔ nɔ ngɛ Mose mlaa a se ɔ, lɔ ɔ a kɛ wo Mawu Bi ɔ nɛ hi kɛ pi si kɛ yaa neneene ɔ osɔfo nɔkɔtɔma pe kulaa.