Hebribi 7:1 - BAIBLO ALOO NGMAMI KLƆUKLƆU Ɔ

¹ Melkizedek ɔ, Salem matsɛ, kɛ Mawu Ope ɔ we osɔfo ji lɛ. Be ko ɔ, Abraham kɛ matsɛmɛ komɛ ya hwu ta, nɛ e ye a nɔ. Benɛ e kpale kɛ ma a, e kɛ Melkizedek ba kpe, nɛ Melkizedek gbaa lɛ.

Somi He Ɔ

¹ Se Melkizedek nɛ ɔ ɔ, lɛ ji Salem matsɛ, Mawu ope ɔ, osɔfo nɛ kɛ Abraham ya kpe benɛ e kpale e se kɛ je matsɛmɛ ɔmɛ a gbemi mi ngɛ ta mi nɛ e gbaa lɛ,

Hebribi 7:1 ပူးပေါင်းရင်းမြစ်များ

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

La 57:2

Mawu nɛ ngɛ hiɔwe lokoo, Mawu nɛ peeɔ nɔ́ nɛ hi ha mi ɔ, lɛ i ngɛ tsɛe ɔ nɛ.

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

La 78:35

A ma kai kaa Mawu ji a he bulɔ; a ma kai kaa Mawu, Hiɔwe No ɔ ji nɔ nɛ heɔ a yi wami.

La 76:2

E we ngɛ Yerusalem, Zion ji he nɛ e hii.

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:2

I suɔ kaa ma bɔ nyɛ amaniɛ ngɛ okadihi kɛ nyakpɛ níhi nɛ Mawu nɛ ngɛ hiɔwe lokoo ɔ pee kɛ tsɔɔ mi ɔ a he.

La 78:56

Se a ka Mawu, Hiɔwe No ɔ; a tsɔ e hɛ mi atuã, nɛ a yi e mlaa amɛ a nɔ.

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

Hebribi 7:3

A wui Melkizedek tsɛ, loo e nyɛ ta; e weku kpa ko be ɔ, be nɛ a fɔ lɛ, kɛ be nɛ e gbo hu nɔ ko li. E ngɛ kaa Mawu Bi ɔ, nɛ e ngɛ osɔfo yee kɛ yaa neneene.

Hebribi 7:6

Melkizedek ɔ, pi Levi nina ji lɛ, se e he mi dlami nyɔngma mi kake ɔ ngɛ Abraham, nɔ nɛ lɛɛ Mawu wo lɛ si ɔ dɛ, nɛ e gbaa lɛ.