Hebribi 6:7 - BAIBLO ALOO NGMAMI KLƆUKLƆU Ɔ

⁷ Zugba nɛ hiɔmi nɛɔ pueɔ nɔ babaaba, nɛ nyu ɔ sɛɔ zu mi, nɛ ní nɛ a duɔ ɔ baa saminya kɛ ha nihi nɛ tsuɔ ní ngɛ nɔ ɔ Mawu gbaa zugba a lɛ.

Somi He Ɔ

⁷ Zugba nɛ mii nyu nɛ nɛɛ pueɔ e nɔ kpitikpiti nɛ baa ni nɛ hi ha ninɛmɛ nɛ huɔ nɔ ɔ naa Mawu gbaami ɔ eko;

Hebribi 6:7 ပူးပေါင်းရင်းမြစ်များ

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

La 126:6

Nɔ nɛ vo nyu hii e hɛ mi kɛ ya duɔ ní ɔ, e maa tloo niba ní kɛ ba we mi kɛ bua jɔmi.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

La 24:5

Yawɛ maa gbaa kikɛmɛ a nɔmlɔ ɔ. Mawu maa wo lɛ nguɔ, nɛ e ma he e yi wami.

Mose III, 25:21

Yawɛ maa gbaa zugba a, nɛ niye ní babauu maa ba ngɛ jeha ekpane ɔ mi, nɛ nyɛ ma na jeha etɛ nya niye ní jamɛ a jeha a.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Mose I, 27:27

Benɛ Yakob hɛ lɛ kɛ ba konɛ e ba fiɔ Isak nya he ɔ, Isak nu e tade ɔ mi via; lɔ ɔ he ɔ, e gbaa lɛ. E de lɛ ke, “Ye bi ɔ he via kaa ngmɔ ko nɛ Yawɛ gbaa nɔ, nɛ baa ní ɔ nɔ via.

Mose I, 1:11

Jehanɛ Mawu fa ke, “Tso slɔɔtoslɔɔtohi nɛ a puɛ ngɛ zugba a nɔ: tsohi nɛ woɔ ngma loo wu, kɛ ní nɛmɛ nɛ woɔ yiblii.” Nɛ e ba mi ja.

Mateo 7:8

Ejakaa nɔ tsuaa nɔ nɛ biɔ ɔ, a haa lɛ; nɔ nɛ hlaa a, e naa; nɛ nɔ nɛ siɔ sinya a, a bliɔ kɛ haa lɛ.

2 Timoteo 2:6

Ngmɔ hulɔ nɛ gboɔ dengme kɛ tsuɔ ní ɔ, lɛ kekle e yeɔ ngmɔ niba ní ɔ eko.