Hebribi 6:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ a gbee si. Jehanɛ ɔ nɛ a je blɔ ngɛ Mawu Bi ɔ sɛue ekohu, nɛ a ngɛ lɛ ahlua bɔe kikɛ nɛ ɔ, kɛ nɔ ko maa pee kɛɛ nɛ e ha a tsake a tsui?

Somi He Ɔ

⁶ nɛ lɔ ɔ se nɛ a gbee si ɔ, a be nyɛe ma tsake mɛ ngɔ pee ni hehi ekohu ha tsui tsakemi, akɛnɛ a ngɛ Mawu bi ɔ sɛue ekohu kɛ ngɛ a he hae nɛ a ngɛ lɛ ahlua bɔe he ɔ.

Hebribi 6:6 ပူးပေါင်းရင်းမြစ်များ

2 Petro 2:21

Afani nɔ́ nɛ a na we nɛ a le Kristo, pe nɛ a le lɛ, nɛ pee se ɔ, a je mlaa klɔuklɔu ɔ nɛ a ha mɛ ɔ he.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Yesaya 1:28

Se nihi nɛ peeɔ yayami, nɛ tsɔɔ e hɛ mi atuã a, e ma kpata a hɛ mi; e maa gbe nɔ tsuaa nɔ nɛ kuaa lɛ ɔ.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Luka 11:48

Nyɛ ní peemi níhi tsɔɔ kaa nɔ́ nɛ nyɛ nɛmɛ ɔmɛ pee ɔ ngɔ nyɛ nya; mɛɛ a gbe gbali ɔmɛ, nɛ nyɛɛ lɛɛ nyɛ fia a yɔkɔ ɔmɛ.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.