Hebribi 6:2 - BAIBLO ALOO NGMAMI KLƆUKLƆU Ɔ

² Níhi nɛ wa tsɔɔ nyɛ nɛ kɔɔ nɔ sɔlemi, nine nɛ a kɛ pueɔ nɔ nɔ, gbogboehi a si temi, kɛ nyagbe kojomi he ɔ, e hia we kaa waa hi lɔ ɔmɛ tsɔɔe kpamisa.

Somi He Ɔ

² kɛ baptisimihi a he ni tsɔɔmi kɛ ninehi kɛ nɔ nɔ puemi, kɛ gbogboehi a si temi kɛ neneene kojomi he sane ɔmɛ a sisi ekohu.

Hebribi 6:2 ပူးပေါင်းရင်းမြစ်များ

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Mateo 3:14

Jinɛ Yohane ka lɛ blɔ tsimi; e de Yesu ke, “Imi mohu nɛ e hia kaa o sɔle mi ɔ, nɛ moo o ma ye ngɔ nɛ ɔ?”

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Marko 7:4

Ke a je jua nɔ kɛ ba a, ja a fɔ a he loko a yeɔ ní. A peeɔ blema kusumi kpahi babauu hulɔ. A fɔɔ kpluhi, buɛhi, ayawa níhi [kɛ sa tsohi] a he.)

Marko 7:8

“Nyɛ ngmɛɛ Mawu mlaa a he nɛ nyɛ pɛtɛ adesa mlaa mohu he.”

Luka 11:38

Se benɛ Farisi no ɔ na kaa Yesu fɔ we e he loko e maa ye ní ɔ, e hɛ mi pee lɛ yaa.

Luka 12:50

A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Luka 14:14

nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Yohane 1:33

Imi hu jinɛ i li lɛ, se Mawu, nɔ nɛ tsɔ mi ke ma ba sɔle nihi ngɛ nyu mi ɔ lɛ de mi ke, ‘Nɔ nɛ nɔ nɛ Mumi ɔ ma ba ma a, lɛ ji nɔ nɛ maa ngɔ Mumi Klɔuklɔu ɔ kɛ sɔle nihi.’

Yohane 5:29

nɛ a maa je kpo kɛ je a yɔkɔ ɔmɛ a mi. A ti ni nɛmɛ nɛ pee kpakpa a, a maa te si, nɛ a maa hi si kɛ maa ya neneene; se ni nɛmɛ nɛ pee yayami ɔ lɛɛ a maa te si, konɛ a kojo mɛ.

Ni Tsumi 10:47

“Ni nɛ ɔmɛ ná Mumi Klɔuklɔu ɔ kaa bɔ nɛ wɔ hu wa na a. Anɛ nɔ ko ma nyɛ maa tsi nya nɛ a ko ngɔ nyu kɛ sɔle mɛ lo?”

Ni Tsumi 13:3

Kaseli ɔmɛ ha hwɔ, nɛ a sɔle, nɛ a kɛ a nine pue Barnaba kɛ Saulo a nɔ, nɛ a wo mɛ blɔ.

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

Ni Tsumi 16:33

Jamɛ a ngmlɛfia a nɔuu ɔ, pamitsɛmɛ a nɔ hyɛlɔ ɔ ngɔ mɛ nɛ e ya fɔ a pa amɛ a nɔ ha mɛ; nɛ a sɔle lɛ, kɛ e we ɔ tsuo amlɔ nɔuu.

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.

Ni Tsumi 23:6

Benɛ Paulo kpa si kaa kpe ngua mi bi ɔmɛ fa kake ji Saduki bi, nɛ fa hu pee ɔ Farisi bi ɔ, e wo e gbi nɔ wawɛɛ, nɛ e de ke, “Ye nyɛmimɛ Israel bi, Farisi no ji mi, nɛ ye fɔli hu Farisi bi ji mɛ. A ngɛ mi kojoe ngɛ hiɛ ɔ, ejakaa i heɔ yeɔ kaa hwɔɔ se ɔ, ni gbogboehi maa te si kɛ ba wami mi ekohu.”

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Ni Tsumi 24:21

Nɔ́ pɛ nɛ a ko nyɛ de ji, benɛ i daa si ngɛ kpe ngua a hɛ mi ɔ, i wo ye gbi nɔ nɛ i de ke, ‘Mwɔnɛ ligbi nɛ ɔ, a ngɛ mi kojoe, ejakaa i heɔ yeɔ kaa ni gbogboehi maa te si kɛ ba wami mi ekohu.’ ”

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Ni Tsumi 26:8

Jehanɛ, nyɛ Yuda bi nɛ nyɛ ngɛ hiɛ ɔ, mɛni he je nyɛ he we yi kaa Mawu ma nyɛ ma tle ni gbogboehi si ɔ?

Ni Tsumi 4:2

A mi mi fu wawɛɛ, ejakaa bɔfo enyɔ ɔmɛ ngɛ ma a ní tsɔɔe ke Yesu te si kɛ je gbeje, nɛ lɔ ɔ maa nɔ mi kaa gbogboehi maa te si kɛ ba wami mi.

Ni Tsumi 6:6

A kɛ mɛ ba da bɔfo ɔmɛ a hɛ mi; kɛkɛ nɛ bɔfo ɔmɛ sɔle, nɛ a kɛ a nine pue a nɔ.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

1 Korintobi 10:2

Benɛ a ngɛ bɔku ɔ sisi, kɛ wo ɔ mi ɔ, a sɔle mɛ kaa Mose se nyɛɛli.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

2 Timoteo 2:18

A tla blɔ kɛ je anɔkuale ɔ he, nɛ a ngɛ dee ke be ɔ nɛ gbogboehi maa te si kɛ je gbeje ɔ be momo. A ngɔ munyu nɛ ɔmɛ kɛ ngɛ Kristo we bi babauu a hemi kɛ yemi hɛ mi kpatae.

Hebribi 11:35

Kɛ gu hemi kɛ yemi nɔ ɔ, yi komɛ a weku li nɛ gbo ɔ, a tle mɛ si kɛ ba wami mi ekohu. A wa ni komɛ yi mi wawɛɛ, nɛ a kplɛɛ we kaa a maa ngmɛɛ a hemi kɛ yemi ɔ he, nɛ a ye a he. Mohu ɔ, a suɔ nɛ a na nɔ́ kɛ gbo, konɛ a tle mɛ si kɛ ba wami nɛ hi kulaa pe kekle nɔ ɔ mi.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.