Hebribi 5:9 - BAIBLO ALOO NGMAMI KLƆUKLƆU Ɔ

⁹ Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Somi He Ɔ

⁹ nɛ benɛ a ha e hi kɛ pi si ɔ, e plɛ nɔ nɛ mi nɛ neneene yi wami hemi jee kɛ haa nihi tsuo nɛ buɔ lɛ tue ɔ,

Hebribi 5:9 ပူးပေါင်းရင်းမြစ်များ

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

Ni Tsumi 5:32

Wa ngɛ kikɛmɛ a sane nɛ ɔmɛ a he odase yee; nɛ Mumi Klɔuklɔu ɔ nɛ Mawu kɛ dloo nihi nɛ buɔ lɛ tue ɔ ngɛ odase yee ja nɔuu.”

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

Romabi 10:16

Se kɛ̃ ɔ, pi Israel bi ɔmɛ tsuo nɛ he sane kpakpa a. Ejakaa Yesaya de ke, “Nyɔmtsɛ, wa sane ɔ, mɛnɔ he ye?”

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Yohane 19:30

Benɛ Yesu he dã nɛ kuã a, e de ke, “A gbe nya!” Kɛkɛ nɛ e ma e yi si, nɛ e ngɔ e nya.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Zakaria 6:15

Nihi nɛ ngɛ se lokoo maa ba nɛ a ba piɛ nyɛ he kɛ ma Yawɛ we ɔ. Kɛkɛ ɔ, nyɛ maa le kaa Yawɛ Tabohiatsɛ ɔ nitsɛ nɛ tsɔ mi nyɛ ngɔ. Ke nyɛ maa bu Yawɛ, nyɛ Mawu ɔ tue anɔkuale mi ɔ, lɛɛ ní nɛ ɔmɛ tsuo maa ba mi.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

Yuda 1:21

Be mi nɛ nyɛ ngɛ wa Nyɔmtsɛ Yesu Kristo blɔ hyɛe nɛ e ba na nyɛ mɔbɔ, nɛ e ha nyɛ neneene wami ɔ, nyɛɛ hyɛ nyɛ he nɔ saminya. Kɛkɛ ɔ, suɔmi nɛ Mawu ngɛ kɛ ha nyɛ ɔ maa hi si daa.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Hebribi 11:40

Ejakaa Mawu to blɔ nya kpakpa ha waa kɛ mɛ tsuo, nɛ ja wa piɛ he loko níhi maa hi kɛ pi si.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Luka 13:32

Yesu de mɛ ke, “Nyɛɛ ya nɛ nyɛ ya de jamɛ a kɔkɔbo ɔ ke, ‘I ngɛ mumi yayamihi hiae, nɛ i ngɛ nihi tsae mwɔnɛ ɔ kɛ hwɔɔ, nɛ ligbi etɛne ɔ, ma gbe ye ní tsumi ɔ nya.’

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

La 51:8

Ha ma nu lele hwɔmi, kɛ bua jɔmi he. E ngɛ mi kaa a gbla ye tue wawɛɛ lɛɛ, se ha nɛ ma na bua jɔmi ekohu.

La 45:17

Ma ha nɛ a ma kai mo yi nɔhi tsuo, nɛ ma amɛ tsuo ma je o yi daa kɛ maa ya neneene.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.