Hebribi 5:7 - BAIBLO ALOO NGMAMI KLƆUKLƆU Ɔ

⁷ Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Somi He Ɔ

⁷ Ngɛ Yesu he lo be ɔmɛ a mi ɔ, e ngɔ sɔlemi kɛ pɛɛ kpami nɛ ngmlaa kpami nɛ nya wa kɛ vo nyu piɛ he sa bɔ ha nɔ nɛ ngɛ he wami nɛ e kɛ ma he lɛ kɛ je gbenɔ mi ɔ, nɛ a bu lɛ tue hulɔ, ejakaa e buu Mawu.

Hebribi 5:7 ပူးပေါင်းရင်းမြစ်များ

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Mateo 27:46

Ngmlɛ etɛ mi ɔ, Yesu kpa ngmlaa wawɛɛ ke, “Eli, Eli, lama sabaktani?” E sisi ji, “Ye Mawu, ye Mawu, mɛni he je o kua mi?”

Marko 15:34

Ngmlɛ etɛ mi ɔ, Yesu kpa ngmlaa wawɛɛ ke, “Eloi, Eloi, lama sabaktani?” E sisi ji, “Ye Mawu, ye Mawu, mɛni he je nɛ o kua mi?”

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

Yohane 11:35

Yesu fo ya.

Mateo 27:50

Yesu kpa ngmlaa wawɛɛ ekohu; kɛkɛ nɛ e ma nya.

Marko 15:37

Jehanɛ Yesu kpa ngmlaa wawɛɛ, kɛkɛ nɛ e ma nya.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Luka 23:46

Kɛkɛ nɛ Yesu kpa ngmlaa wawɛɛ ke, “Tsaatsɛ, i tu ye mumi ɔ kɛ wo o dɛ mi!” Nɛ e de kikɛ ɔ, kɛkɛ nɛ e ma nya.

La 69:1

Mawu, mo he ye yi wami! Nyu ɔ ba su ye kuɛ mi;

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

1 Yohane 4:3

Se nɔ nɛ jajeɔ kaa nɔ́ nɛ a de ngɛ Yesu he nɛ ɔ be mi ɔ, e mumi ɔ ji Mawu ngɔ. Mumi nɛ ngɛ e mi ɔ je Kristo he nyɛlɔ ɔ ngɔ. Nyɛ nu kaa e ma, pi jã? Ee, amlɔ nɛ ɔ, e ná ba je ɔ mi momo.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Yohane 11:42

I le kaa o buɔ mi tue be tsuaa be; se i ngɛ enɛ ɔ dee ngɛ nihi nɛ pueɔ si nɛ ɔ a he, bɔ nɛ pee nɛ a he ye kaa mo nɛ o tsɔ mi.”

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

La 88:1

Yawɛ Mawu, ye yi wami helɔ! Nyɔ kɛ pia tsuo i foɔ ya ngɛ o hɛ mi.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Hebribi 10:5

Enɛ ɔ he je ɔ, benɛ Kristo ma je ɔ mi ɔ, e de Mawu ke, “Bɔ nɛ a sãã, kɛ nike ní ɔ, o hla we, se o ha mi nɔmlɔ tso.

Hebribi 10:10

Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.