Hebribi 5:2 - BAIBLO ALOO NGMAMI KLƆUKLƆU Ɔ

² Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.

Somi He Ɔ

² kaa nɔ ko nɛ nyɛɔ e nuɔ nɔ́ he haa nihi nɛ li ni kɛ nihi nɛ tla blɔ ɔ, akɛ nɛ lɛ nitsɛ hu ɔ gbedemi bɔle e he kɛ kpe ɔ.

Hebribi 5:2 ပူးပေါင်းရင်းမြစ်များ

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Hebribi 2:18

Jehanɛ lɛɛ, nihi tsuo nɛ ngɛ ka mi ɔ, e ma nyɛ maa wo mɛ he wami; ejakaa lɛ nitsɛ ɔ, a ka lɛ, nɛ e na amanehlu.

Hebribi 7:28

Mose mlaa a nya a, nihi nɛ a wo mɛ osɔfo nɔkɔtɔma pe kulaa a, sé ngɛ a he. Se si nɛ Mawu wo nɛ e ka kita ngɔ fɔ nɔ ngɛ Mose mlaa a se ɔ, lɔ ɔ a kɛ wo Mawu Bi ɔ nɛ hi kɛ pi si kɛ yaa neneene ɔ osɔfo nɔkɔtɔma pe kulaa.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

Galatabi 4:13

Kaa bɔ nɛ nyɛ le ɔ, kekleekle ɔ nɛ i ba fiɛ sane kpakpa a ha nyɛ ɔ, i be he wami.

2 Korintobi 12:5

Ma fĩa ngɛ jamɛ a nyakpɛ ní ɔ nɛ i na a he. Ní kpahi nɛ ba ye nɔ ɔ lɛɛ níhi nɛ tsɔɔ kaa gbɔjɔmi ngɛ ye he, nɛ lɔ ɔmɛ kɛkɛ a he ma fĩa ngɛ; pi imi nitsɛ ye he.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

2 Korintobi 11:30

Ke e hia kaa ma fĩa kɛ̃ ɔ, lɛɛ níhi nɛ tsɔɔ bɔ nɛ i gbɔjɔ ha a, lɔ ɔmɛ a nɔ ma fĩa ngɔ fɔ.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Manyadali 2:17

Se manyadali ɔmɛ po a bui mɛ; nɛ Yawɛ hu a yi lɛ anɔkuale. Mohu ɔ, a ya nyɛɛ mawu kpahi a se, nɛ a ja mɛ; nɛ a je blɔ nɛ a nɛmɛ ɔmɛ nyɛɛ nɔ ɔ nɔ. A nɛmɛ ɔmɛ ye Yawɛ mlaa amɛ a nɔ; se mɛɛ lɛɛ a pee we ja.

Yesaya 29:24

Kuasiahi maa le ní, nɛ ni nɛmɛ nɛ tuɔ munyu huitihuiti ɔ maa kase ní.”

Efesobi 4:18

se sisi numi be he. Wami he ɔ nɛ Mawu haa nɔ ɔ, mɛɛ a blɔ nya be mi; ejakaa a li nɔ́ ko nɔ́ ko, nɛ a tsui hu kplii.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 9:7

Se bo tsu enyɔne ɔ lɛɛ osɔfo nɔkɔtɔma pe kulaa a pɛ lɛ yaa lejɛ ɔ si kake ngɛ jeha mi. Pohu ja e hɛɛ lohwe muɔ kɛ ya ngɛ yayami nɛ lɛ nitsɛ e pee, kɛ yayamihi nɛ ma a li a he be nɛ a pee ɔ a he.

Yakobo 5:19

Ye nyɛmimɛ, ke nyɛ ti nɔ ko tla kɛ je anɔkuale ɔ he, nɛ nɔ ko kpale lɛ kɛ ba ekohu ɔ,

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.