Hebribi 5:13 - BAIBLO ALOO NGMAMI KLƆUKLƆU Ɔ

¹³ Nɔ tsuaa nɔ nɛ ngɛ nyɔ pupɔe ɔ, bimwɔyo ji lɛ kɛ mwɔɔ, nɛ e li nɔ́ ko ngɛ nɔ́ nɛ da he.

Somi He Ɔ

¹³ Ejakaa nɔ tsuaa nɔ nɛ pupɔɔ nyɔ ɔ li nɔ́ nɛ da kɛ nɔ́ nɛ dɛ, ejakaa bimwɔyo ji lɛ.

Hebribi 5:13 ပူးပေါင်းရင်းမြစ်များ

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

2 Timoteo 3:16

Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

Yesaya 28:9

A ngɛ munyu tue kɛ ngɛ mi sie ke, “Mɛnɔ ní jamɛatsɛ ɔ susu kaa e ngɛ tsɔɔe ɔ? E sɛ gbi ɔ, mɛnɔ ngɛ hlae? E sɛ gbi ɔ hi ha bimwɔwi nɛ kpaako a je nyɔ nya!

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

1 Korintobi 3:1

Nyɛmimɛ, anɔkuale mi ɔ, i nyɛ we nɛ i kɛ nyɛ nɛ tu munyu kaa bɔ nɛ i kɛ nihi nɛ mumi ɔ ngɛ a mi ɔ tuɔ munyu. Se mohu, i kɛ nyɛ tu munyu kaa je mi bi, aloo bimwɔwi ngɛ Kristo jami mi.

2 Korintobi 3:9

Ke hɛ mi nyami kaa kikɛ nɛ ɔ je kpo somi momo be ɔ mi ɔ, somi he be nɛ ɔ mi lɛɛ hɛ mi nyami ɔ ma kpɛ kɛ be nɔ pe kekle ɔ po.

1 Korintobi 13:11

Benɛ i ji jokuɛyo ɔ, i tuɔ munyu kaa jokuɛyo, i juɛɔ kaa jokuɛyo, nɛ i susuɔ kaa jokuɛyo. Se benɛ i ba wa a, i kpa jokuɛwi a ní peemi.

La 119:123

I hyɛ blɔ hluu kaa o ma ba he ye yi wami, kaa o maa ye o siwo ɔ nɔ; se jehanɛ ye hɛ se gbo.

Marko 10:15

I ngɛ nyɛ dee anɔkuale mi ke, nɔ tsuaa nɔ nɛ he we Mawu matsɛ yemi ɔ kaa bɔ nɛ jokuɛ nyafii maa pee ɔ, e be mi sɛe kɔkɔɔkɔ.”

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Romabi 2:20

Nyɛɛ buu nyɛ he kuasiahi a tsɔseli, kɛ nihi nɛ li nɔ́ ko ɔ a ní tsɔɔli; ejakaa nyɛ le kaa niinɛ, nile kɛ anɔkuale tsuo ngɛ mlaa a mi.

2 Yohane 1:11

Ke nɔ ko ha lɛ hɛ mi ɔ, e tsɔɔ kaa e kɛ lɛ peeɔ kake kɛ tsuɔ ní yayamihi.