Hebribi 5:12 - BAIBLO ALOO NGMAMI KLƆUKLƆU Ɔ

¹² Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.

Somi He Ɔ

¹² ejakaa nyɛ nɛ jinɛ e sa kaa nyɛ plɛ tsɔɔli mohu ngɛ be ɔ nya a, e hia kaa a tsɔɔ nyɛ Mawu munyu ɔ mi sisije ni ɔmɛ ekohu, nɛ nyɛ plɛ nihi nɛ nyɔ nyu hia mɛ, se pi niyeni nitsɛ.

Hebribi 5:12 ပူးပေါင်းရင်းမြစ်များ

Samuel II, 16:23

Ga tsuaa ga nɛ Ahitofel wo Absalom ɔ, e buɔ tue pɛpɛɛpɛ kaa bɔ nɛ e tsɛ David hu pee ɔ; ejakaa jamɛ a be ɔ, ke Ahitofel tu munyu ko ɔ, a ngɔɔ munyu ɔ kaa Mawu nitsɛ nya mi munyu.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

La 34:11

Ye bimɛ, nyɛɛ ba nɛ nyɛ ba bu mi tue, nɛ ma tsɔɔ nyɛ nɛ nyɛɛ ye Yawɛ gbeye.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yesaya 55:1

Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

1 Korintobi 14:19

Se kɛ̃ ɔ, ke asafo ɔ ba bua a, imi lɛɛ i ko suɔ nɛ ma tu munyungu kakaaka enuɔ nɛ sisi numi ngɛ he nɛ ma kɛ tsɔɔ ní pe kaa ma tu munyungu akpeakpe ngɛ gbi slɔɔtohi a mi.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Galatabi 4:3

Jã kɛ̃ wɔ hu benɛ wa wɛ lolo ɔ, wa ngɛ kaa nyɔguɛhi; nɛ je nɛ ɔ mi kusumihi, kɛ mlaahi nɛ hɛɛ wɔ.

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Hebribi 10:32

Nyɛ kai bɔ nɛ nyɛ hi si sa a. Benɛ nyɛ ba le Mawu ɔ, nyɛɛ kɛ hɛ mi miami na amanehlu babauu.

Hebribi 5:11

Wa ngɛ munyuhi fuu nɛ wa maa tu ngɛ enɛ ɔ he, se e sisi tsɔɔmi wa, nɛ nyɛ nɔ́ sisi numi yee.

Hebribi 5:13

Nɔ tsuaa nɔ nɛ ngɛ nyɔ pupɔe ɔ, bimwɔyo ji lɛ kɛ mwɔɔ, nɛ e li nɔ́ ko ngɛ nɔ́ nɛ da he.

Hebribi 6:1

Lɔ ɔ he ɔ, nyɛ ha wa si sisije níhi nɛ kɔɔ Kristo he ɔ, nɛ waa ya wa hɛ mi kɛ tsɔɔmi nɛ sa nihi nɛ wa ngɛ hemi kɛ yemi ɔ mi. Sisije níhi nɛ wa tsɔɔ nyɛ ɔ, e hia we kaa wa pa hi lɔ ɔmɛ tsɔɔe kpamisa. Wa de nyɛ ke je mi bami yaya nɛ he be se nami ɔ, nyɛɛ ngmɛɛ he, konɛ nyɛ he Mawu nyɛɛ ye.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.