Hebribi 5:1 - BAIBLO ALOO NGMAMI KLƆUKLƆU Ɔ

¹ Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Somi He Ɔ

¹ Ejakaa osɔfo nɔkɔtɔma tsuaa osɔfo nɔkɔtɔma nɛ a hia ngɛ nimli a kpɛti ɔ, a wo lɛ osɔfo konɛ e da nimli a nane mi ngɛ Mawu nihi a blɔfami, konɛ e kɛ nike nihi kɛ bɔhi ba ha ngɛ yayamihi a he,

Hebribi 5:1 ပူးပေါင်းရင်းမြစ်များ

Hebribi 8:3

A woɔ osɔfo nɔkɔtɔma pe kulaa, konɛ e ngɔ nike ní kɛ ha Mawu, nɛ e sã bɔ ha lɛ. Lɔ ɔ he ɔ, wa osɔfo nɔkɔtɔma pe kulaa a hu e hia nɛ e ná nɔ́ ko nɛ e kɛ ha Mawu.

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Hebribi 9:9

Enɛ ɔ tsuo ji okadi nɛ kɔɔ mwɔnɛmwɔnɛ ɔ si himi he. E tsɔɔ kaa nike níhi, kɛ bɔ ɔmɛ nɛ a sãã kɛ haa Mawu ɔ be nyɛe ma ha nɛ nɔ nɛ ma Mawu jami ɔ tsui mi ma tsɔ bɔ nɛ sa;

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Mose III, 9:7

Enɛ ɔ se ɔ, Mose de Aaron ke, “Yaa bɔ sami la tɛ ɔ he, nɛ o ya sã yayami pami bɔ, kɛ sami bɔ kɛ je o kɛ ma a tsuo nyɛ he yayami ɔmɛ. Sãã bɔ nɛ ɔ nɛ o kɛ je ma a he yayami ɔmɛ kaa bɔ nɛ Yawɛ fa a.”

Mose III, 8:2

“Ngɔɔ Aaron kɛ e binyumu ɔmɛ, a tade ɔmɛ, nɔ pɔmi nu ɔ, na ku ɔ nɛ a kɛ maa sã yayami pami bɔ ɔ, agbosu enyɔ ɔmɛ, kɛ kusii kɛ e mi abolo kplolo ɔ kɛ ba kpe he bo tsu ɔ sinya a nya;

Romabi 15:17

Lɔ ɔ he ɔ, ma nyɛ ma fĩa ngɛ Kristo Yesu mi kaa i ngɛ Mawu ní tsue.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Hebribi 8:4

Je nɛ ɔ mi nɛ e ngɛ jinɛ e be osɔfo yee kulaa. Ejakaa osɔfohi ngɛ nɛ ngɔɔ nike ní kɛ haa Mawu kaa bɔ nɛ Yuda mlaa a tsɔɔ ɔ.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.