Hebribi 4:14 - BAIBLO ALOO NGMAMI KLƆUKLƆU Ɔ

¹⁴ Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Somi He Ɔ

¹⁴ Jehanɛ, akɛnɛ wa ngɛ osɔfo nɔkɔtɔma ngua nɛ po mi kɛ gu hiɔwe nihi a mi, nɛ ji Yesu, Mawu bi ɔ nɛ ɔ ɔ, nyɛ ha waa pɛtɛ hemi kɛ yemi ɔ he wawɛɛ.

Hebribi 4:14 ပူးပေါင်းရင်းမြစ်များ

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

Efesobi 4:10

Lɔ ɔ he ɔ, nɔ nɛ ba zugba a nɔ ɔ, lɛ nɔuu nɛ e kuɔ kɛ ho hiɔwe ya, konɛ a na lɛ ngɛ he tsuaa he.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Hebribi 1:8

Bi ɔ lɛɛ Mawu de ngɛ e he ke, “Mawu ji mo; o maa ye matsɛ kɛ maa ya neneene! Nɛ dami sane yemi maa pee o matsɛ tso.

Ni Tsumi 3:21

E sa kaa e ya hi hiɔwe kɛ yaa su be nɛ a maa pee níhi tsuo ehe. Mawu tu nɔ́ nɛ ɔ he munyu kɛ gu e gbali klɔuklɔu ɔmɛ a nɔ blema lokoo.

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.

Marko 1:1

Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.

2 Korintobi 12:2

I le Kristo se nyɛɛlɔ ko nɛ a sa lɛ kɛ ya hiɔwe lokoo ɔ jeha nyɔngma kɛ eywiɛ ji nɛ. E ngɛ nɔmlɔ tso mi jio, e be nɔmlɔ tso mi jio, i li; Mawu lɛ le.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 6:6

Kɛkɛ nɛ a gbee si. Jehanɛ ɔ nɛ a je blɔ ngɛ Mawu Bi ɔ sɛue ekohu, nɛ a ngɛ lɛ ahlua bɔe kikɛ nɛ ɔ, kɛ nɔ ko maa pee kɛɛ nɛ e ha a tsake a tsui?

Hebribi 7:3

A wui Melkizedek tsɛ, loo e nyɛ ta; e weku kpa ko be ɔ, be nɛ a fɔ lɛ, kɛ be nɛ e gbo hu nɔ ko li. E ngɛ kaa Mawu Bi ɔ, nɛ e ngɛ osɔfo yee kɛ yaa neneene.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.