Hebribi 4:13 - BAIBLO ALOO NGMAMI KLƆUKLƆU Ɔ

¹³ Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Somi He Ɔ

¹³ A laa we bɔ nɔ́ ko ngɛ e hɛ mi, se nihi kulaa ngɛ paa nɛ a bli nɔ ngɛ lɛ nɔ nɛ waa kɛ ngɛ sane ɔ hɛngmɛ mi.

Hebribi 4:13 ပူးပေါင်းရင်းမြစ်များ

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Hiob 34:21

E hɛ ngɛ nɔmlɔ he be tsuaa be. E náá e ní peemi níhi tsuo.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Abɛ Womi 15:11

Gbeje kɛ e muɔ voo ɔ po fɔɔ si paa ngɛ Yawɛ hɛ mi; nɛ nɔmlɔ adesa tsui mi lɛɛ e be nae lo?

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

Hiob 26:6

Gbeje fɔɔ si paa ngɛ Mawu hɛ mi. He hami nɔ́ be he nɛ maa tsi lɛ blɔ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

Kronika II, 6:30

moo nu a kue fami ɔ. Bu mɛ tue ngɛ o hi he ɔ ngɛ hiɔwe, nɛ o ngɔ a he yayami ɔmɛ ngɔ pa mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,

La 90:8

O ngɔ wa he yayami ɔmɛ ngɔ pue o hɛ mi; wa diblii mi yayami ɔmɛ tsuo ngɛ o hɛ mi paa.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 2:24

Se Yesu lɛɛ e le mɛ tsuo pɛpɛɛpɛ, lɔ ɔ he ɔ, e kɛ e hɛ fɔɛ a nɔ.

Hiob 38:17

Agbohi nɛ ngɛ ni gbogboehi a je, he nɛ wo diblii kpii ɔ, anɛ nɔ ko bli nya kɛ tsɔɔ mo hyɛ lo?

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

La 139:4

Loko ma pa ye nya mi ke ma de nɔ́ ko ɔ, mo Yawɛ, o le lɛ tsuo momo.

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

Yeremia 16:17

Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Mateo 6:4

moo ke nɔ́ ngɛ laami mi. Kɛkɛ ɔ, o Tsɛ ɔ nɛ lɛɛ e naa níhi nɛ a peeɔ ngɛ laami mi ɔ maa wo mo hiɔ.

Yohane 4:16

Yesu de yo ɔ ke, “Yaa nɛ o ya tsɛ o huno, nɛ o kɛ lɛ nɛ ba hiɛ ɔ.”