Hebribi 4:12 - BAIBLO ALOO NGMAMI KLƆUKLƆU Ɔ

¹² Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

Somi He Ɔ

¹² Ejakaa Mawu munyu hɛ ngɛ nɛ e ngɛ he wami nɛ e nya ba pe klaate nya enyɔtsɛ, nɛ e gbuu kɛ sɛɛ mi kɛ ya suu be nɛ e gbaa klaa kɛ mumi ɔ kɛ kpɔji nya amɛ kɛ wu mi zɔ ɔmɛ a mi, nɛ e ji tsui mi susumihi kɛ juɛmi ɔmɛ a kojolɔ.

Hebribi 4:12 ပူးပေါင်းရင်းမြစ်များ

Yeremia 23:29

Ye sɛ gbi ɔ, anɛ e be kaa la lo? Anɛ e be kaa hamle nɛ ywiaa tɛ sa wɔtsɔwɔtsɔ lo?

Yesaya 55:11

Munyuhi nɛ i tuɔ ɔ, ja a maa pee. Munyu tsuaa munyu nɛ jeɔ ye nya a, nɔ́ nɛ i ke e pee ɔ, ja e pee loko e maa kpale kɛ ba. Nɔ́ tsuaa nɔ́ nɛ i to ke e ba mi ɔ maa ba mi kokooko.

Efesobi 6:17

Yi wami hemi nɛ pee dade pɛɛ nɛ nyɛ bu. Nyɛɛ pɛtɛ Mawu munyu ɔ nɛ ji mumi ɔ klaate ɔ he.

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

1 Petro 1:23

Kɛ gu Mawu munyu ɔ nɛ hɛ ngɛ daa a nɔ ɔ, a fɔ nyɛ ehe. Nyɛ ba pee Tsɛ nɛ gbo we, se pi nɔ nɛ gboɔ ɔ bimɛ.

Yesaya 49:2

E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Kpojemi 1:16

E hɛɛ dodoe kpaago ngɛ e hiɔ nine mi, nɛ klaate nya enyɔtsɛ nɛ nya ba ngɛ e nya mi, nɛ e hɛ mi ngɛ kpɛe kaa piani pu.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

La 149:6

Á la kɛ he wami kɛ je Mawu yi. Jamɛ a be ɔ mi ɔ, á hɛɛ klaate nya enyɔtsɛ ngɛ a dɛ mi,

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Efesobi 5:13

Ke a je nɔ́ ko kpo kɛ ba la nya a, a naa lɛ paa;

Luka 8:11

“Abɛ ɔ sisi ji nɛ ɔ nɛ: Wu ɔ ji Mawu munyu ɔ nɛ.

La 139:2

Ye si himi, kɛ ye si temi tsuo o le, ye yi mi tomi tsuo pɛpɛɛpɛ, o le momo.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

La 45:3

Matsɛ nguaa, moo ngɔ o klaate ɔ kɛ wo o fiɔ he, konɛ a na o hɛ mi nyami, kɛ o we agboje ɔ tsuo.

Kpojemi 19:21

A kɛ klaate nɛ ngɛ nɔ nɛ hii si ngɛ okpɔngɔ ɔ nɔ nya mi ɔ gbe a ta buli ɔmɛ tsuo. Nɛ lohwe pɛlitsɛmɛ ɔmɛ tsuo ye a lo ɔ bɔ nɛ a ma nyɛ.

Kpojemi 2:16

Lɔ ɔ he ɔ, mo tsake o tsui! Ke pi ja a, ma ba o ngɔ be kpiti. Ma ngɔ klaate nɛ ngɛ ye nya mi ɔ, nɛ i kɛ jamɛ a ni ɔmɛ maa hwu ta.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Ni Tsumi 2:37

Benɛ ni ɔmɛ nu munyu nɛ ɔ, e hao mɛ wawɛɛ, nɛ a bi Petro kɛ bɔfo kpa amɛ nɛ piɛ e he ɔ ke, “Wa nyɛmimɛ, kɛ wa maa pee kɛɛ?”

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Abɛ Womi 5:4

Nɔ́ nɛ jeɔ mi kɛ baa a dooɔ pe agba, nɛ e puɛɔ nɔ́ pe klaate nya enyɔtsɛ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Fiɛlɔ 12:11

Ní leli a munyuhi ngɛ kaa tso kɛ e nya piɔpiɔ nɛ lohwe hyɛli kɛ tsɔ́ɔ́ a lohwehi. Abɛhi nɛ a bua nya a, a he ngɛ se nami wawɛɛ kaa plɛɛkohi nɛ a je blɔ ka kɛ wo tso mi. Wɔ tsuo wa hyɛlɔ kake too nɛ ji Mawu ɔ, lɛ nɛ e ha wɔ kikɛmɛ a abɛ nɛ ɔmɛ.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

La 110:2

Yawɛ ma ha mo he wami kpetekpleenyɛ kɛ je Zion. E ma de mo ke, “Ye o he nyɛli ɔmɛ a nɔ.”

1 Korintobi 1:24

Ee, nihi nɛ Mawu hla a, Yuda bi jio, Hela bi jio, mɛɛ a le kaa Kristo ji Mawu he wami, kɛ e nile.

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

Hebribi 6:5

A kpa si kaa Mawu munyu ɔ hi, nɛ he wami nɛ maa hi si ngɛ je nɛ maa ba a mi ɔ, a nu he.

Manyadali 3:16

Ehud sɔ klaate nya enyɔtsɛ, nɛ e kami ji nine mi blimi enyɔ. E fi klaate ɔ kɛ wo e hiɔ nɔ fiɔ he, ngɛ e tade ɔ sisi,