Hebribi 4:10 - BAIBLO ALOO NGMAMI KLƆUKLƆU Ɔ

¹⁰ Ejakaa nɔ tsuaa nɔ nɛ ma na he jɔɔmi nɛ Mawu wo he si ɔ, e maa jɔɔ e he kaa Mawu, nɛ e be ní tsue.

Somi He Ɔ

¹⁰ Ejakaa nɔ nɛ sɛ e he jɔɔmi ɔ mi ɔ, lɛ nitsɛ hu e jɔɔ e he ngɛ e ni tsumi ɔmɛ a mi, kaa bɔ nɛ Mawu jɔɔ e he ngɛ e nɔ ɔ mi ɔ.

Hebribi 4:10 ပူးပေါင်းရင်းမြစ်များ

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Yohane 19:30

Benɛ Yesu he dã nɛ kuã a, e de ke, “A gbe nya!” Kɛkɛ nɛ e ma e yi si, nɛ e ngɔ e nya.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Mose I, 2:2

Mawu tsu ní ligbi ekpa, nɛ ligbi nɛ ji kpaago ɔ, e jɔɔ e he.

Hebribi 4:9

Lɔ ɔ he ɔ, e fɔɔ si paa kaa he jɔɔmi be ko ngɛ ha Mawu ma a nɛ a maa ye.

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.