Hebribi 3:9 - BAIBLO ALOO NGMAMI KLƆUKLƆU Ɔ

⁹ Lejɛ ɔ nyɛ nɛmɛ ɔmɛ ka mi ngɛ, pohu a na níhi nɛ i tsu jeha nyingmi eywiɛ sɔuu.

Somi He Ɔ

⁹ He nɛ nyɛ tsɛmɛ ɔmɛ tsɔ ye nya nɛ a ka mi, Nɛ a na ye ni tsumi ɔmɛ ngɛ, jeha nyingmi eywiɛ sɔuu ɔ.

Hebribi 3:9 ပူးပေါင်းရင်းမြစ်များ

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Yoshua 24:7

a fa kue ha mi, nɛ i ha diblii wo ngɛ a kɛ Egipt bi ɔmɛ a kpɛti. Nyagbe ɔ, i ha wo ɔ ba ha Egipt bi ɔmɛ a nɔ. Nyɛ nitsɛmɛ nyɛ na nɔ́ nɛ i pee Egipt ɔ. “ ‘Nyɛ hi nga kplanaa a nɔ be babauu.

Mose V, 8:4

Jeha nyingmi eywiɛ nɛ ɔ tsuo mi ɔ, nyɛ tade gba we ngɛ nyɛ he, nɛ nyɛ nanehi hu fuu we.

Mose V, 4:3

Nyɛ nitsɛmɛ nyɛ na nɔ́ nɛ Yawɛ pee ngɛ Peor yo ɔ he. Nɔ tsuaa nɔ nɛ ya nyɛɛ Baal se ngɛ lejɛ ɔ, Yawɛ, nyɛ Mawu ɔ kpata e hɛ mi.

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Ni Tsumi 13:8

Se Elima, kunya yelɔ ɔ ka a nya tsimi. (Biɛ Bar- Yesu ɔ ngɛ Hela gbi mi ji Elima). E ka kaa e ma puɛ amlaalo ɔ juɛmi, konɛ e ngmɛɛ e hemi kɛ yemi ɔ he.

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Yoshua 23:3

Nyɛ na bɔ nɛ Yawɛ, nyɛ Mawu ɔ pee je ma nɛ ɔmɛ tsuo ngɛ nyɛ he. Yawɛ, nyɛ Mawu ɔ ji nɔ nɛ hwu ta ha nyɛ.

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose IV, 14:33

Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Mose II, 20:22

Yawɛ fa Mose ke e ya de Israel bi ɔmɛ ke, “Nyɛ nitsɛmɛ nyɛ na kaa hiɔwe nɛ i kɛ nyɛ tu munyu kɛ je ɔ nɛ.

Mose V, 11:7

Niinɛ, nyɛ nitsɛmɛ nyɛ na ní nguanguahi tsuo nɛ Yawɛ tsu ɔ kɛ nyɛ hɛngmɛ.

La 95:9

Nyɛ nɛmɛ ɔmɛ na níhi nɛ i pee ha mɛ. Se kɛ̃ a tsɔ̃ ye nya, nɛ a ka mi ngɛ lejɛ ɔ.