Hebribi 3:8 - BAIBLO ALOO NGMAMI KLƆUKLƆU Ɔ

⁸ nyɛ ko wa tue kaa bɔ nɛ nyɛ nɛmɛ ɔmɛ pee ngɛ nga a nɔ benɛ a tsɔ atuã, nɛ a ka Mawu ɔ.

Somi He Ɔ

⁸ Nyɛ ko wlua nyɛ tsui, Kaa bɔ nɛ a pee ngɛ mi mi la womi ɔ mi, Ngɛ nyatsɔmi ligbi ɔ nɔ ngɛ nga a nɔ ɔ,

Hebribi 3:8 ပူးပေါင်းရင်းမြစ်များ

Abɛ Womi 28:14

A gbaa nɔ nɛ yeɔ Yawɛ gbeye daa. Se nɔmlɔ nɛ tue wa a, lɛɛ haomi maa ba e nɔ.

Mose II, 17:7

Mose wo lejɛ ɔ biɛ ke Masa kɛ Meriba, nɛ e de ke, “I wo kikɛmɛ a biɛ nɛ ɔ, ejakaa lejɛ ɔ nɛ Israel bi ɔmɛ pia Yawɛ ngɛ, nɛ lejɛ ɔ nɔuu a ka lɛ ngɛ benɛ a bi ke, ‘Anɛ Yawɛ ngɛ wa kpɛti, aloo e be?’ ɔ.”

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Yeremia 7:26

Se nɔ ko nɔ ko bui mɛ tue; sɛ gbi ɔ hu nyɛ ngɔɛ. Nyɛ wa tue mohu, nɛ nyɛ ya nɔ pee yayami kulaa pe nyɛ nɛmɛ ɔmɛ.

La 78:56

Se a ka Mawu, Hiɔwe No ɔ; a tsɔ e hɛ mi atuã, nɛ a yi e mlaa amɛ a nɔ.

La 78:18

A bi Mawu ke e ha mɛ niye ní nɛ mɛɛ a ngɛ hlae ɔ, nɛ a kɛ nɔ́ nɛ ɔ peemi ka Mawu.

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

La 106:14

A ya di jiklɔɔ níhi a se ngɛ nga a nɔ; a pee enɛ ɔ kɛ ka Mawu.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Mose V, 6:16

“Nyɛ ko ka Yawɛ, nyɛ Mawu ɔ kaa bɔ nɛ nyɛ pee ngɛ Masa a.

1 Korintobi 10:9

Wa ko ka Nyɔmtsɛ ɔ kaa bɔ nɛ a ti ni komɛ pee, nɛ sinɔ kpata a hɛ mi ɔ.

Ni Tsumi 19:9

Se ni komɛ wa tue, nɛ a he we yi; nɛ ngɛ ni ɔmɛ tsuo a hɛ mi ɔ, a tu munyu yaya kɛ si Nyɔmtsɛ ɔ blɔ ɔ. Lɔ ɔ he ɔ, Paulo je a he nɛ e je kaseli ɔmɛ kɛ je a kpɛti; nɛ daa nɛ ɔ, e kɛ nihi ya hlaa níhi a mi ngɛ nɔ ko nɛ a tsɛɛ lɛ Tirano ɔ ni kasemi he.

Nehemia 9:16

Se wa nɛmɛ ɔmɛ ba wo a he nɔ nɛ a wa tue, nɛ a yi o mlaa amɛ a nɔ.

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Matsɛmɛ II, 17:14

Se a bui tete; a kuɛ wa kaa a nɛmɛ ɔmɛ nɛ he we Yawɛ, a Mawu ɔ yi ɔ pɛpɛɛpɛ.

La 95:8

“Nyɛ ko kplii nyɛ tsui kaa bɔ nɛ nyɛ nɛmɛ ɔmɛ pee ligbi ko ngɛ Masa nga a nɔ ngɛ Meriba a.

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.