Hebribi 3:14 - BAIBLO ALOO NGMAMI KLƆUKLƆU Ɔ

¹⁴ Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Somi He Ɔ

¹⁴ Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Hebribi 3:14 ပူးပေါင်းရင်းမြစ်များ

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 6:11

Nɔ́ nɛ wa ngɛ hlae ji kaa bɔ nɛ nyɛɛ kɛ hɛdɔ tsu nɔ́ nɛ ɔ, nyɛ ti nɔ tsuaa nɔ maa hɛɛ mi kɛ ya si nyagbe. Kɛkɛ ɔ, níhi nɛ nyɛ ngɔ nyɛ hɛ ngɔ fɔ nɔ ɔ, nyɛ ma na a nɔ mi mami.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

Hebribi 12:10

Wa tsɛmɛ ɔmɛ tsɔseɔ wɔ be bɔɔ ko kɛkɛ bɔ nɛ sa mɛɛ a hɛ mi; se Mawu lɛɛ e tsɔseɔ wɔ, bɔ nɛ pee nɛ e hi ha wɔ, nɛ wɔ hu waa pee klɔuklɔu kaa lɛ.

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Romabi 11:17

Oliv tso nɛ a je blɔ du ɔ, ke a kplɔ e kɔni ɔmɛ ekomɛ, nɛ a ya ngɔ mo oliv tso nɛ mo nitsɛ lo puɛ ngɛ nga mi ba ta tso ɔ he, nɛ o naa oliv tso sipoku ɔ mi niye ní ɔ eko ɔ,

1 Korintobi 10:17

Bɔ tsuaa bɔ nɛ wa hiɛmi ngɛ ɔ, wɔ tsuo wa yeɔ abolo kake ɔ eko. Enɛ ɔ tsɔɔ kaa Kristo nɔmlɔ tso ɔ he níhi ji wɔ tsuo.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

1 Timoteo 6:2

Nyɔguɛhi nɛ le Kristo, nɛ a nyɔmtsɛmɛ ɔmɛ hu le Kristo ɔ, a ko susu kaa akɛnɛ mɛ tsuo Kristo we bi ji mɛ he je ɔ, e hia we kaa a buɔ a nyɔmtsɛmɛ ɔmɛ tue. Mɛ mohu nɛ e sa kaa a bu a nyɔmtsɛmɛ ɔmɛ, nɛ a sɔmɔ mɛ saminya; ejakaa a nyɔmtsɛmɛ ɔmɛ nɛ naa a he se ɔ, mɛ hu wa nyɛmimɛ Kristo we bi ji mɛ. Tsɔɔ mɛ ní nɛ ɔmɛ, nɛ a tsu he ní bɔ nɛ sa.

1 Korintobi 9:23

I peeɔ enɛ ɔmɛ tsuo, konɛ ma kɛ ha nɛ Yesu he sane kpakpa a nɛ gbɛ fĩa. Kɛkɛ ɔ, ní kpakpahi nɛ maa je sɛ gbi ɔ mi kɛ ba a, imi hu ma na eko.

Mose V, 1:35

‘Ke kikɛmɛ a yi nɔ yaya bi nɛ ɔmɛ a ti nɔ ko na zugba kpakpa nɛ i ka he kita ke ma ngɔ ha nyɛ nɛmɛ ɔmɛ ɔ fii!

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Hebribi 11:1

Hemi kɛ yemi ji níhi nɛ wa ngɛ blɔ hyɛe ɔ a nɔ mi mami. Hemi kɛ yemi tsɔɔ wɔ kaa níhi nɛ wa nɛ́ kɛ wa hɛngmɛ ɔ, a ngɛ niinɛ.