Hebribi 3:12 - BAIBLO ALOO NGMAMI KLƆUKLƆU Ɔ

¹² Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

Somi He Ɔ

¹² Nyɛɛ hyɛ nɛ hi, mamimɛ, konɛ nyɛ ti nɔ ko ko hi tsui nɛ he we yi nɛ e kpale kɛ je Mawu hɛ kalɔ ɔ he;

Hebribi 3:12 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Hiob 21:14

Yayami peeli deɔ Mawu ke e je a nɔ, ejakaa a hla we e blɔ ɔmɛ nɛ a le.

Hiob 22:17

Nimli nɛ ɔmɛ ji nihi nɛ kua Mawu, nɛ a biɔ a he ke, “Mɛni Ope ɔ ma nyɛ maa pee wɔ?”

La 18:21

I ye Yawɛ mlaa amɛ a nɔ, nɛ i pee we yayami ko kɛ puɛ i kɛ ye Mawu ɔ wa kpɛti.

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yeremia 11:8

Se a bui mi tue fɛɛ; munyu nɛ i kɛ mɛ tu ɔ po, a nui. A wa tue nɛ a pee yayami kaa kekle ɔ mohu. I wo mɛ mlaa ke a ye somi ɔ nɔ, se a kua nɔ yemi. Enɛ ɔ he je ɔ, i gbla a tue wawɛɛ nitsɛ kaa bɔ nɛ somi tsɔɔ ɔ.”

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.

Hosea 1:2

Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 24:4

Yesu he nɔ nɛ e de mɛ ke, “Nyɛɛ hyɛ nɛ hi, konɛ nɔ ko kó ba mlɔɔ nyɛ.

Marko 13:23

Se nyɛɛ lɛɛ nyɛɛ hyɛ saminya! I de nyɛ nɔ́ tsuaa nɔ́ ngɔ to.

Marko 13:33

Nyɛɛ hyɛ saminya, nyɛɛ huɔ, ejakaa nyɛ li be mi nɛ ngmlɛfia a maa su.

Marko 13:9

“Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Romabi 11:21

Ejakaa ke Mawu baa we tso ɔ nitsɛ kɔni ɔmɛ a yi ɔ, eko ɔ, mohu e be o yi baae.

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Hebribi 10:38

Ye ma a, nihi nɛ peeɔ nɔ́ nɛ da, nɛ a heɔ mi yeɔ ɔ, mɛɛ a yi ma na wami. Se nɔ nɛ kpaleɔ e se ɔ, i be e he bua jɔmi nae.”

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 3:10

Lɔ ɔ he ɔ, ye mi mi fu jamɛ a yi nɔ bi ɔmɛ, nɛ i de ke, ‘Daa nɛ ɔ, a dɔ a tsui kɛ je ye he, nɛ a li ye blɔ ɔmɛ.’

Hebribi 3:19

Lɔ ɔ he ɔ, wa naa kaa a nyɛ we nɛ a ya su lejɛ ɔ; ejakaa a he we Mawu yi.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.