Hebribi 2:2 - BAIBLO ALOO NGMAMI KLƆUKLƆU Ɔ

² Sɛ gbi nɛ Mawu bɔfo ɔmɛ kɛ ba a ngɛ mi sisiisi; nɛ nɔ tsuaa nɔ nɛ gbo tue, loo e bui ɔ, a gbla e tue bɔ nɛ sa lɛ.

Somi He Ɔ

² Ejakaa ke munyu nɛ a tu ngɛ hiɔwe bɔfohi a nya a maa si kpɛii, nɛ a wo nɔ tɔmi tsuaa nɔ tɔmi kɛ tuegbenɔ tsuaa tuegbenɔ he hiɔ bɔ nɛ sa a,

Hebribi 2:2 ပူးပေါင်းရင်းမြစ်များ

Ni Tsumi 7:53

Nyɛ ná Mawu mlaa a kɛ gu Mawu bɔfo ɔmɛ a nɔ, se nyɛ yi nɔ.”

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Hebribi 10:28

Ke nɔ ko tɔ Mose mlaa a, nɛ a da ni enyɔ, loo etɛ a we odase nɔ kɛ bu lɛ fɔ ɔ, a nɛ́ lɛ mɔbɔ; pe a gbeɔ lɛ.

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 10:35

Lɔ ɔ he ɔ, nyɛ kɔni mi ko jɔ̃ ngɛ nɔ́ nɛ nyɛ ngɔ nyɛ hɛ ngɔ fɔ nɔ ɔ he, ejakaa nyɛ nine maa su hiɔwo agbo ko nɔ.

Mose V, 17:12

Se nɔ nɛ ma tsɔ atuã kɛ si kojolɔ, loo osɔfo ɔ nɛ ngɛ sɔmɔe jamɛ a be ɔ mi ɔ, nyɛɛ gbe lɛ; kikɛmɛ a blɔ nɛ ɔ nɔ nyɛɛ gu kɛ je yayami kɛ je Israel ma a mi.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

La 68:17

Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

Mose V, 17:2

“Alini, nyɛ maa nu ngɛ nyɛ ma amɛ nɛ Yawɛ, nyɛ Mawu ɔ ngɔ kɛ ngɛ nyɛ hae ɔ ekomɛ a mi kaa nyumu ko, loo yo ko pee yayami kɛ si Yawɛ, nyɛ Mawu ɔ; e ya yi Yawɛ somi ɔ nɔ, nɛ e tɔ̃;

Mose IV, 25:9

Se kɛ̃ nimli nɛ gbenɔ hiɔ ɔ gbe ɔ, a hiɛmi ji akpe nyingmi enyɔ kɛ eywiɛ.

Mose IV, 21:6

Kɛkɛ nɛ Yawɛ ha sinɔhi nɛ a duɔ nya wa ba sɛ ma a kpɛti; nɛ a kɔɔ mɛ, nɛ Israel bi ɔmɛ a ti nihi babauu gbo.

Mose IV, 16:49

Nimli nɛ gbenɔ hiɔ ɔ gbe ɔ, a hiɛmi ji akpe nyɔngma kɛ eywiɛ kɛ e nya lafa kpaago; slo ni nɛmɛ nɛ gbo ngɛ Kora sane ɔ nɛ ba a mi.

Mose IV, 11:33

Benɛ a ngɛ lo ɔ yee, nɛ e na we nɛ e ta a, Yawɛ mi mi fu ma a, nɛ e ha gbenɔ hiɔ ba sɛ a kpɛti.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.