Hebribi 2:18 - BAIBLO ALOO NGMAMI KLƆUKLƆU Ɔ

¹⁸ Jehanɛ lɛɛ, nihi tsuo nɛ ngɛ ka mi ɔ, e ma nyɛ maa wo mɛ he wami; ejakaa lɛ nitsɛ ɔ, a ka lɛ, nɛ e na amanehlu.

Somi He Ɔ

¹⁸ Ejakaa akɛnɛ lɛ nitsɛ ɔ e na amanehlu nɛ a ka lɛ he je ɔ, e nyɛɔ e yeɔ buaa ninɛmɛ nɛ a kaa mɛ ɔ.

Hebribi 2:18 ပူးပေါင်းရင်းမြစ်များ

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Hebribi 5:2

Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Yohane 10:29

Tsaatsɛ ha mi nɔ́ ko nɛ pe níhi tsuo, nɛ nɔ ko nɔ ko be nyɛe ma kpɔ ní nɛ ɔmɛ ngɛ Tsɛ ɔ dɛ.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Luka 22:28

“Ye haomi be ɔmɛ a mi ɔ, nyɛ ji nihi nɛ daa si kpɛii ngɛ ye se.