Hebribi 13:7 - BAIBLO ALOO NGMAMI KLƆUKLƆU Ɔ

⁷ Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

Somi He Ɔ

⁷ Nyɛ kai nyɛ hɛ mi nyɛɛli, nihi nɛ tu Mawu munyu tsɔɔ nyɛ ɔ; nyɛɛ hyɛ a je mi si himi ɔ nyagbe, nɛ nyɛɛ kase a hemi kɛ yemi ɔ.

Hebribi 13:7 ပူးပေါင်းရင်းမြစ်များ

Lahi 1:8

Mo nɛ o he ngɛ fɛu pe yihi tsuo, o li lejɛ ɔ? Yaa nɛ o ya nyɛɛ to ɔmɛ a se. Yaa ha o to ɔmɛ ní ngɛ to hyɛli ɔmɛ a bo tsu ɔmɛ a kasa nya.

Mateo 24:45

“Lɛɛ mɛnɔ ji tsɔlɔ anɔkualetsɛ, kɛ ní lelɔ mɔ? Lɛ ji nɔ nɛ e nyɔmtsɛ ɔ ngɔ lɛ ngɔ to tsɔli kpa amɛ a nya, konɛ e ha mɛ a nya mi ngma ngɛ be nɛ sa mi.

Luka 12:42

Nyɔmtsɛ ɔ he nɔ ke, “Ma tsɔɔ nyɛ bɔ nɛ tsɔlɔ nɛ yeɔ anɔkuale, nɛ le ní hulɔ ɔ ngɛ ha. Lɛ ji nɔ nɛ ke e nyɔmtsɛ ɔ maa hia blɔ, nɛ e toɔ we ɔ ngɔ woɔ e dɛ mi; lɛ nɛ e haa tsɔli kpa amɛ a niye ní ngɛ be nɛ sa mi.

Luka 5:1

Ligbi ko ɔ, benɛ Yesu daa si ngɛ Genesaret taku ɔ nya a, nihi fuu ba pue e nɔ nɛ a bu Mawu munyu ɔ tue.

Luka 8:11

“Abɛ ɔ sisi ji nɛ ɔ nɛ: Wu ɔ ji Mawu munyu ɔ nɛ.

Ni Tsumi 13:46

Se Paulo kɛ Barnaba tu munyu kɛ kã ke, “Nyɛ kekle e sa kaa a jajeɔ Mawu munyu ɔ ngɔ tsɔɔ. Se akɛnɛ nyɛ kua munyu ɔ, nɛ nyɛ bui nyɛ he kaa nyɛ sa neneene wami ɔ he je ɔ, wa dɔ wa yi kɛ yaa ma je li ɔmɛ a ngɔ.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Romabi 10:17

Lɔ ɔ ji kaa ja a fiɛ Kristo he sane ɔ loko nɔ ko maa nu. Nɛ ja nɔ ko nu sane ɔ loko e ma he ye.

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

1 Korintobi 11:1

Nyɛɛ ngɔ mi ngɔ pee nɔ hyɛmi nɔ́ kaa bɔ nɛ imi hu i ngɔ Kristo ngɔ pee ye nɔ hyɛmi nɔ́ ɔ.

1 Korintobi 4:16

Lɔ ɔ he ɔ, i kpa nyɛ pɛɛ nɛ nyɛ wo ye nane.

Filipibi 3:17

Ye nyɛmimɛ, nyɛ wo ye nane. Okadi kpakpa nɛ wa to nyɛ ɔ, nihi tsuo nɛ peeɔ ja a, nyɛɛ kase mɛ.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Tesalonikabi 3:7

Nyɛ nitsɛmɛ nyɛ le veveeve kaa e hia kaa nyɛɛ kase wɔ. Benɛ waa kɛ nyɛ ngɛ ɔ, wa pee we hejɔ.

2 Tesalonikabi 3:9

Wa pee enɛ ɔ, pi kaa wa be jamɛ a blɔ nya a, se mohu, konɛ waa ngɔ wa he ngɔ pee nɔ hyɛmi nɔ́ ha nyɛ nɛ nyɛɛ kase wɔ.

1 Timoteo 3:5

Ejakaa ke nɔ ko nyɛ we nɛ e hyɛ lɛ nitsɛ e we nɔ ɔ, kɛ e maa pee kɛɛ nɛ e ma nyɛ hyɛ Mawu asafo ɔ nɔ.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Hebribi 13:24

Wa biɔ nyɛ hɛ mi nyɛɛli ɔmɛ, kɛ ni klɔuklɔu ɔmɛ tsuo. Ni nɛmɛ nɛ je Italia a hu ke a biɔ nyɛ.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.