Hebribi 13:5 - BAIBLO ALOO NGMAMI KLƆUKLƆU Ɔ

⁵ Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Somi He Ɔ

⁵ Sika suɔmi nɛ ko sɛ nyɛ si himi mi, nɛ nyɛ bua nɛ jɔ nihi nɛ nyɛ ngɛ ɔ he, ejakaa Mawu ke: “I be mo sie, nɛ jehanɛ hu i be mo kuae ligbi ko ligbi ko.”

Hebribi 13:5 ပူးပေါင်းရင်းမြစ်များ

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Yesaya 41:17

“Ke ye ma a ní pee mɔbɔ, nɛ a nɛ nyu nɛ a nu, a kuɔ si tsuo gbli, nɛ kuma ngɛ mɛ yee ɔ, ke a fa kue kɛ tsɛ imi Yawɛ ɔ, ma bu mɛ tue. Imi Israel Mawu ɔ, i be mɛ kuae kɔkɔɔkɔ.

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

La 37:25

Kɛ je ye nihe be mi kɛ ba si ye wami si nɛ ɔ, i nɛ kaa Yawɛ kua nɔ ko nɛ peeɔ nɔ nɛ da. E bimɛ hu, i nɛ kaa a ngɛ ní bae.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

Mateo 6:34

Lɔ ɔ he ɔ, nyɛ ko hao nyɛ he ha hwɔɔ; ejakaa hwɔɔ hu ma kɛ lɛ nitsɛ e haomihi babauu. Haomihi nɛ baa daa ligbi ɔ, e hia we kaa waa ngɔ ekpa ko kɛ ba piɛ ligbi ko nɔ́ he hu.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

Luka 3:14

Ta buli komɛ hu ba bi lɛ ke, “Wɔ hu mɛni sa wɔ peemi?” E de mɛ ke, “Nyɛ ko fia ojo! Nyɛ ko po sane ngɔ fɔ nɔ ko nɔ yaka gu nɛ nyɛ kpɔ sika ngɛ e dɛ! Nyɛ hiɔwo nɛ sa nyɛ hɛ mi!”

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

La 119:36

Ha nɛ ma suɔ o mlaa amɛ mohu pe kaa ma na ní kpɔtɔɔ.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

Mose II, 2:21

Mose kplɛɛ kaa e kɛ osɔfo ɔ maa hi si. Pee se ɔ, osɔfo ɔ ngɔ e biyo Zipora ngɔ ha Mose.

Efesobi 5:3

Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

1 Korintobi 5:11

Nɔ́ nɛ i ngɛ tsɔɔe mohu ji, ke nɔ ko tsɛɔ e he Kristo se nyɛɛlɔ, nɛ e fiɛɔ nyumu kɛ yo yakayaka fiɛmi, loo e hɛ tsuɔ, loo e jaa wɔ, loo e jɛɔ nɔ, loo e tɔɔ dã, loo e juɔ ɔ, nyɛɛ kɛ lɛ ko bɔ. Nyɛɛ kɛ lɛ ko ye ní tete po.

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Marko 7:22

gba puɛmi, hɛkɔ, yi wu tso ní peemi, nɔ sisimi, yahomi, ninyɛ, nɔ biɛ puɛmi, he nɔ womi, kuasiahi a sane yemi.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

1 Korintobi 6:10

loo juli, loo hɛ tsuli, loo dã tɔli, loo nihi a biɛ puɛli, loo ojo fiali a nine be Mawu matsɛ yemi ɔ nɔ sue kɔkɔɔkɔ.

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”

Mose I, 31:5

E de mɛ ke, “I na kaa nyɛ tsɛ tsɔ we e hɛ mi ha we mi hu kaa sa a; se tsaatsɛ e Mawu ɔ kɛ mi ngɛ.

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Samuel I, 10:7

Ke ní nɛ ɔmɛ tsuo ba mi ɔ, nɔ́ tsuaa nɔ́ nɛ Mawu ma de mo ke o pee ɔ, moo pee; ejakaa e kɛ mo ngɛ.

Matsɛmɛ I, 6:13

I kɛ ye ma Israel maa hi si, nɛ i be a he jee.”

Matsɛmɛ I, 8:57

Yawɛ, wa Mawu ɔ kɛ wɔ nɛ hi si kaa bɔ nɛ e kɛ wa nɛmɛ ɔmɛ hi si ɔ; e ko si wɔ, nɛ e ko kua wɔ hulɔ.

Abɛ Womi 23:4

Ko gbo dengme ke doo ja o na ní. Ka kaa kikɛ nɛ ɔ, o hɛ mi nɛ ka si, nɛ o ye nɔ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Mateo 6:19

“Nyɛ ko to juetli ha nyɛ he ngɛ je ɔ mi he nɛ wɔyewɔye, kɛ kana puɛɔ ní, nɛ juli juɔ ngɛ ɔ.

2 Korintobi 4:9

a waa wɔ yi mi, se kɛ̃ ɔ, Mawu lɛɛ e kua we wɔ; be komɛ hu a kongoɔ wɔ basabasa, se wa gbo we.

Mose I, 30:31

Laban bi lɛ ke, “Nyɛmɛ ma ha mo?” Yakob he nɔ ke, “I hla we hiɔwo ko. Ke o maa pee nɔ́ nɛ ma bi mo nɛ ɔ ha mi ɔ, lɛɛ ma tsa nɔ ma hyɛ o to ɔmɛ ha mo.