Hebribi 13:4 - BAIBLO ALOO NGMAMI KLƆUKLƆU Ɔ

⁴ Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Somi He Ɔ

⁴ A wo gba hɛ mi nyami ngɛ nyɛ kulaa nyɛ kpɛti, nɛ a ko ble gba sa a hulɔ; se ajuama bɔli kɛ gba puɛli ɔmɛ ɔ, Mawu maa kojo mɛ.

Hebribi 13:4 ပူးပေါင်းရင်းမြစ်များ

Mose I, 2:24

Enɛ ɔ he je nɛ nyumu siɔ e tsɛ kɛ e nyɛ, nɛ e ngɔɔ e he ya mɛtɛɛ e yo he nɛ a peeɔ nɔ kake ɔ nɛ.

Galatabi 5:19

Ke nɔ ko peeɔ he lo ɔ nya ní ɔ, níhi nɛ jeɔ mi kɛ baa ji nɛ ɔmɛ nɛ: gba puɛmi, mu ní tsumi, yahomi,

Galatabi 5:21

hɛkɔ, dã demi, fiɛmi yaya, kɛ ní yaya peemi kpahi fuu kaa níhi nɛ i tsi a ta nɛ ɔ. I ka nyɛ hɛ mi momo ngɛ kikɛmɛ a je mi bami nɛ ɔmɛ a he, nɛ i ngɛ nyɛ kɔkɔ bɔe ekohu ke nihi nɛ peeɔ kikɛmɛ a ní nɛ ɔmɛ a nine be Mawu matsɛ yemi ɔ nɔ sue gblegbleegble.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

1 Timoteo 3:12

Asafo mi sɔmɔlɔ ɔ, é hi yo kake pɛ, nɛ e nyɛ nɛ e hyɛ e we, kɛ e bimɛ a nɔ saminya.

1 Timoteo 3:4

E pee nɔ ko nɛ le lɛ nitsɛ e we nɔ hyɛmi saminya, nɔ nɛ maa hyɛ nɛ e bimɛ maa ba a he si, nɛ a bu nɔ bɔ nɛ sa.

1 Korintobi 7:38

Lɔ ɔ he ɔ, nɔ nɛ maa ngɔ yo ɔ, pee saminya. Se nɔ nɛ be yo ngɔe ɔ, e nɔ́ ɔ hi kulaa pe nɔ kaketsɛ ɔ.

Mose I, 2:21

Lɔ ɔ he ɔ, Yawɛ Mawu ha mahe vii ko ba nɔ nyumu ɔ nɔ, nɛ benɛ e ngɛ mahe ɔ mi kɛ mwɔɔ ɔ, Mawu je nyumu ɔ kasa wu kake nɛ e kɛ he lo tsi lejɛ ɔ.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

1 Korintobi 9:5

Ke wa yaa he ko ɔ, anɛ wa be he blɔ kaa wa yihi nɛ le Kristo ɔ, waa kɛ mɛ nyɛɛɔ kaa bɔ nɛ bɔfo kpa amɛ, kɛ Nyɔmtsɛ ɔ nyɛminyumu ɔmɛ, kɛ Petro peeɔ ɔ lo?

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

Yesaya 8:3

Pee se ɔ, i kɛ ye yo, gbalɔyo ɔ na bɔmi. E ngɔ hɔ nɛ e fɔ binyumu. Kɛkɛ nɛ Yawɛ de mi ke, “Wo lɛ biɛ ke, ‘Puɛ ní esɔ, haa ní kɛ fo.’

Matsɛmɛ II, 22:14

Osɔfo Hilkia, Ahikam, Akbor, Shafan, kɛ Asaya pue nɔ kɛ ho Yerusalem ma he ɔ mi ya ya bi ní ngɛ gbalɔyo Hulda ngɔ. (Hulda nɛ ɔ, sɔlemi we ɔ tadehi a nɔ hyɛlɔ Harhas binyumu Tikva hu binyumu Shalum yo ji lɛ.) Benɛ a ya bɔ gbalɔyo ɔ nɔ́ nɛ ba a,

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

Mose III, 18:20

O kɛ o nyɛmi e yo kó na nyumu kɛ yo bɔmi nɛ o kó ba ble o he.

Mose V, 22:22

“Ke a nu nyumu ko nɛ e kɛ nɔ kpa e yo ngɛ hwɔe ɔ, á gbe mɛ ni enyɔ ɔmɛ tsuo. Pee jã kɛ je yayami nɛ ɔ kɛ je nyɛ kpɛti.

1 Korintobi 6:18

Nyɛɛ tu yahomi nya fo. Yayami tsuaa yayami nɛ adesa peeɔ ɔ, pee we nɔmlɔ tso ɔ nɔ́ ko tsɔ. Se nɔ nɛ fiɛɔ yo kɛ nyumu yakayaka fiɛmi ɔ, yeɔ lɛ nitsɛ e nɔmlɔ tso ɔ awi.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Mose III, 15:18

Ke nyumu kɛ yo na bɔmi nɛ nyumu ɔ he nyu be ɔ, mɛ ni enyɔ ɔmɛ tsuo a du a he. A he be tsɔe kɛ yaa si du ma bu.

Hiob 31:12

E ngɛ kaa la nɛ sãã nɔ́ kɛ yaa tsitsaa; e ma kpata ye nɔ́ tsuaa nɔ́ hɛ mi.