Hebribi 13:3 - BAIBLO ALOO NGMAMI KLƆUKLƆU Ɔ

³ Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Somi He Ɔ

³ Nyɛ kai ninɛmɛ nɛ a wo mɛ tsu mi ɔ kaa nɔ́ nɛ nyɛɛ kɛ mɛ lɛ ngɛ tsuɔ mi, kɛ nihi nɛ ngɛ nɔ nae ɔ, akɛnɛ nyɛ hu nyɛ ngɛ nɔmlɔ tso mi kɛ mwɔ ɔ.

Hebribi 13:3 ပူးပေါင်းရင်းမြစ်များ

Mateo 25:36

I hɛɛ ye he gu, nɛ nyɛ wo mi tade. I nu hiɔ, nɛ nyɛ ba slaa mi; a wo mi tsu mi, nɛ nyɛ ba ye ngɔ.’

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Kolosebi 4:18

Imi Paulo nitsɛ ye nine nya womi nɛ i ngma kaa i biɔ nyɛ ji nɛ ɔ nɛ. Nyɛ hɛ ko je nɔ kaa i ngɛ kɔsɔkɔsɔ mi kɛ mwɔɔ. Mawu dloomi ɔ kɛ nyɛ tsuo nɛ hi si.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

Mateo 25:43

Nubwɔ ji mi, se nyɛ ha we nɛ ma ba to nyɛ; i hɛɛ ye he gu, se nyɛ wui mi tade; i nu hiɔ, nɛ jehanɛ hu a wo mi tsu, se nyɛ ba slaa we mi.’

Ni Tsumi 24:23

Lɔ ɔ se ɔ, e fa asafoatsɛ ɔ ke e ngɔ Paulo kɛ ho nɛ e ya bu e he, se e ha nɛ e na he jɔmi bɔɔ; nɛ ke e huɛmɛ ba nɛ a ba pee nɔ́ ko ha lɛ ɔ, e ko tsi mɛ blɔ.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Ni Tsumi 27:3

E nɔ jena a, wa ya su Sidon. Yulio hɛɛ Paulo saminya; e ngmɛ lɛ blɔ nɛ e ya slaa e huɛmɛ, nɛ a ha lɛ níhi nɛ hia lɛ.

Mose I, 40:23

Se dã nɔ hyɛlɔ nɔkɔtɔma a kai we Yosef hu; e hɛ je e nɔ pɛsɛpɛsɛ.

Hebribi 11:37

A fia ni komɛ tɛ nɛ a gbo; a kɛ sau poo ni komɛ a mi enyɔɔnyɔ; nɛ a kɛ klaate gbe ni komɛ. A bu jijɔ he womi, kɛ apletsi he womi kaa heha ní. A ye ohia, a wa mɛ yi mi, nɛ a pee mɛ nisɛ ní.