Hebribi 13:1 - BAIBLO ALOO NGMAMI KLƆUKLƆU Ɔ

¹ Nyɛɛ ya nɔ nɛ nyɛɛ suɔ nyɛ sibi daa kaa nyɛmimɛ.

Somi He Ɔ

¹ Nyɛɛ ya nɔ nɛ nyɛɛ suɔ nyɛ he daa kaa nyɛmimɛ.

Hebribi 13:1 ပူးပေါင်းရင်းမြစ်များ

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

2 Petro 1:7

nyɛɛ ngɔ nyɛmi peemi ngɔ piɛ Mawu gbeye yemi ɔ he, nɛ nyɛɛ ngɔ suɔmi ngɔ piɛ nyɛmi peemi ɔ he.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.

Hebribi 10:24

Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

1 Petro 4:8

Nɔ́ nɛ he hia pe kulaa ji kaa nyɛɛ suɔ nyɛ he saminya; ejakaa suɔmi haa yayami babauu nɔ.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Yohane 15:17

Mlaa nɛ i ngɛ nyɛ woe ji nyɛɛ suɔ nyɛ sibi.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Efesobi 4:3

Nyɛɛ bɔ mɔde nɛ nyɛɛ pee kake kɛ hi si. He jɔmi ɔ nɛ haa nyɛ peeɔ kake ɔ, Mawu mumi ɔ lɛ haa.

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

Ni Tsumi 2:1

Benɛ Pentekoste ligbi ɔ su ɔ, nihi nɛ heɔ yeɔ tsuo a nya ba bua ngɛ he kake.

La 133:1

Hyɛ bɔ nɛ e hi, bɔ nɛ e ngɛ fɛu, ke nyɛmimɛ pee kake kɛ hi si!