Hebribi 12:4 - BAIBLO ALOO NGMAMI KLƆUKLƆU Ɔ

⁴ Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

Somi He Ɔ

⁴ Ngɛ nyɛɛ kɛ yayami ta nɛ ɔ mi ɔ, nyɛ sui he nɛ a ma pue nyɛ muɔ si ngɛ ɔ lolo.

Hebribi 12:4 ပူးပေါင်းရင်းမြစ်များ

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Kpojemi 18:24

Babilon yeɔ fɔ kaa e gbe gbali ɔmɛ, kɛ ni klɔuklɔu ɔmɛ. Ee, Babilon pue ni kpahi babauu hu a muɔ si ngɛ je ɔ mi.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Filipibi 2:8

E ba e he si, nɛ e bu tue hluu kɛ ya su gbeje tete; e gbo sɛumi tso nɔ gbenɔ.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.