Hebribi 11:4 - BAIBLO ALOO NGMAMI KLƆUKLƆU Ɔ

⁴ Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Somi He Ɔ

⁴ Hemi kɛ yemi Habel kɛ sa bɔ nɛ pe Kain nɔ ɔ ha Mawu, nɛ lɔ ɔ he hulɔ nɛ a ye e he odase kaa dalɔ ji lɛ ɔ nɛ, ejakaa Mawu he e nike ni ɔmɛ; nɛ kɔlɔ ɔ nɔuu e kɛ ngɛ munyu tue kɔ mwɔ pohu e gbo.

Hebribi 11:4 ပူးပေါင်းရင်းမြစ်များ

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Hebribi 9:22

Niinɛ, ngɛ mlaa a nya a, muɔ ji nɔ́ nɛ tsuɔ níhi tsuo a he; nɛ ke a pue we muɔ si ɔ, a kɛ yayami pɛ.

Mose I, 4:15

Se Yawɛ he nɔ ke, “Dɛbi, pi ja! Ke nɔ ko gbe mo ɔ, a maa gbla nɔ ɔ tue si kpaago.” Lɔ ɔ he ɔ, Yawɛ to Kain he so, bɔ nɛ pee nɛ ke nɔ ko na lɛ nɛ e ko gbe lɛ.

Mose I, 4:8

Pee se ɔ, Kain de e senɔ Habel ke, “Ha nɛ waa ho nga nɔ ya.” Benɛ a ngɛ nga a nɔ ɔ, Kain nu e senɔ ɔ nɛ e gbe lɛ.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Matsɛmɛ I, 18:38

Kɛkɛ nɛ Yawɛ ha la je hiɔwe ba sã sami bɔ ɔ, kɛ lɛ́ ɔ, kɛ tɛ ɔmɛ, kɛ tabo zu ɔ, nɛ e mii nyu ɔ nɛ ngɛ muɔ ɔ mi ɔ hulɔ.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mose I, 4:25

Adam kɛ e yo ɔ na bɔmi ekohu nɛ e fɔ binyumu, nɛ Hawa wo lɛ biɛ ke Set. Hawa de ke, “I wo lɛ kikɛmɛ a biɛ nɛ ɔ, ejakaa Mawu ha mi binyumu kɛ to Habel nɛ Kain gbe lɛ ɔ nane mi.”

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Hebribi 5:1

Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Hebribi 11:2

Hemi kɛ yemi lɛ ha nɛ Mawu ná nihi nɛ hi si blema a a he bua jɔmi.

2 Petro 2:8

Benɛ nɔmlɔ kpakpa nɛ ɔ ngɛ a kpɛti ɔ, daa nɛ ɔ, e naa, nɛ e nuɔ ní yayamihi nɛ a ngɛ pee ɔ a he; nɛ nɔ́ nɛ ɔ hao e tsui.

Hiob 8:10

Nyɛ ha nɛ blema ní leli nɛ tsɔɔ nyɛ ní; nyɛɛ bu a nya mi munyu ɔmɛ tue: