Hebribi 11:34 - BAIBLO ALOO NGMAMI KLƆUKLƆU Ɔ

³⁴ Hemi kɛ yemi a kɛ gbe la nɛ ngɛ tsoe gegeege ngɛ hehi, hemi kɛ yemi ha a je klaate nya, e ha ni wudɔwudɔhi ba pee katsɛmɛ; a kɛ ta buli nɛ je ma se hwu ta, nɛ a ye kunimi.

Somi He Ɔ

³⁴ a gbe la he wami, a je klaatehi a nya, a na he wami kɛ je gbɔlemi mi, a he wa ngɛ ta mi, a bu masetsɛmɛ a ta a.

Hebribi 11:34 ပူးပေါင်းရင်းမြစ်များ

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.

Matsɛmɛ II, 6:32

Nɛ e tsɔ nyumu ko ke e ya tsɛ Elisha kɛ ba. Jamɛ a be ɔ mi ɔ, Elisha kɛ ma nimeli komɛ nɛ ma lɛ slaami ɔ hii si ngɛ e we ɔ mi. Benɛ tsɔlɔ ɔ na we nɛ e su we ɔ mi ɔ, Elisha de ma nimeli ɔmɛ ke, “Tse nyɛ na kaa nɔmlɔ gbelɔ nɛ ɔ tsɔ nɛ́ a ba po ye yi! Nyɛ le piɔ, ke tsɔlɔ ɔ ba a, nyɛ nga sinya a, nɛ nyɛ ko ngmɛ lɛ blɔ nɛ e sɛ tsu ɔ mi. Matsɛ ɔ nitsɛ nyɛɛ e se kɛ ma.”

Matsɛmɛ I, 19:3

Eliya tsui po, nɛ e kɛ gbenɔ kɛ kã tu fo kɛ ho Beersheba ya ngɛ Yuda. E kɛ e tsɔlɔ ɔ ho. E ya si e tsɔlɔ ɔ ngɛ lejɛ ɔ.

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Yeremia 26:24

Se Shafan bi Ahikam, matsɛ pɛdiyo ɔ, fa ye he. Enɛ ɔ he je ɔ, a ngɔɛ mi kɛ wui ma a dɛ mi nɛ a ya gbe mi.

La 66:12

O ha wa he nyɛli ye wa nɔ; wa gu la mi, nɛ wa gu nyu mi hulɔ, se o je wɔ slɔkee kɛ ba he nɛ kplɔkɔtɔ ngɛ.

La 6:8

Nyɛ yayami peeli, nyɛɛ je ye nɔ kɛ ya se, ejakaa Yawɛ nu ye ya fomi ɔ.

Hiob 42:10

Jehanɛ, benɛ Hiob fa kue ha Yawɛ ngɛ e huɛmɛ etɛ ɔmɛ a he se ɔ, Yawɛ wo lɛ ní ekohu. Níhi tsuo nɛ Hiob hi sa a, Yawɛ bɔ he totoe enyɔɔnyɔ kɛ ha lɛ.

Hiob 5:20

Hwɔ be mi, kɛ ta be mi tsuo e ma he o yi wami.

Samuel I, 20:1

Enɛ ɔ se ɔ, David tu fo kɛ je Nayot ngɛ Rama kɛ ba Yonatan ngɔ, nɛ e ba bi lɛ ke, “Mɛni i pee? Mɛni ji ye tɔmi? Mɛni yayami i pee o tsɛ loko e ngɛ mi hlae nɛ e gbe ɔ?”

Mose II, 18:4

Nɔ kake hu biɛ ji Eliezer; e sisi ji “Tsaatsɛ e Mawu nɛ doo ha mi; lɛ nɛ je mi kɛ je Farao ɔ ta a nya.”

Samuel I, 18:11

nɛ e de ngɛ e yi mi ke, “Ma hɛ David akplɔ kɛ pi gbogbo ɔ.” Kɛkɛ nɛ e hɛ lɛ akplɔ ɔ si enyɔ; se David yu e he nɛ e je mi slɔkee.

Samuel I, 19:10

Saul ka kaa e maa hɛ David akplɔ ɔ kɛ wo gbogbo ɔ he, se David yu e he nɛ akplɔ ɔ ya pi gbogbo ɔ. Nɛ David tu fo kɛ je.

Matsɛmɛ I, 19:1

Matsɛ Ahab ya bɔ e yo Yezebel níhi tsuo nɛ Eliya pee ɔ, kɛ bɔ nɛ e gbe Baal gbali ɔmɛ tsuo.

Matsɛmɛ II, 6:1

Ligbi ko ɔ, gbali a kuu ɔ nɛ Elisha ngɛ a nɔ hyɛe ɔ de lɛ ke, “Hyɛ, he nɛ wa ngɛ nɛ ɔ klee we ha wɔ hu.

La 124:7

Wa je a dɛ mi kaa bɔ nɛ lohwe pɛlitsɛ jee ya mi; ya a gba, nɛ wa je mi slɔkee.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.