Hebribi 11:16 - BAIBLO ALOO NGMAMI KLƆUKLƆU Ɔ

¹⁶ Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

Somi He Ɔ

¹⁶ Se jehanɛ, a ngɛ ma ko nɛ hi pe lɔ ɔ nɛ ji hiɔwe nɔ ɔ hlae. Lɔ ɔ he ɔ, e pee we Mawu zo kaa a ma tsɛ lɛ a Mawu, ejakaa e dla ma ngɔ to mɛ.

Hebribi 11:16 ပူးပေါင်းရင်းမြစ်များ

Hebribi 13:14

Ejakaa wa be ma nɛ ngɛ daa ngɛ zugba a nɔ hiɛmɛ nɛ ɔ, se ma nɛ maa ba a mohu se blɔ wa ngɛ hlae.

Hebribi 11:10

Ejakaa ma nɛ Abraham ngɛ blɔ hyɛe ji ma nɛ Mawu nitsɛ to sisi, nɛ lɛ nɔuu e fia.

Filipibi 3:20

Se wɔɔ lɛɛ wa ma a, hiɔwe e ngɛ; nɛ lejɛ ɔ wa ngɛ blɔ hyɛe kaa wa kpɔlɔ Nyɔmtsɛ Yesu Kristo maa je kɛ ba.

Yohane 14:2

Sihi hehi babauu ngɛ Tsaatsɛ we ɔ; ke pi ja a, jinɛ i de nyɛ momo, ejakaa i yaa nɛ ma ya dla he ko ngɔ to nyɛ.

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Hebribi 11:14

Enɛ ɔ tsɔɔ kaa nihi nɛ tuɔ munyu kikɛ nɛ ɔ, ngɛ mɛ nitsɛmɛ a ma hlae.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Ni Tsumi 7:32

‘Imi ji o nɛmɛ a Mawu ɔ, Abraham, Isak, kɛ Yakob a Mawu ɔ.’ Gbeye ha Mose he do blibliibli, nɛ e nyɛ we nɛ e hyɛ nɔ́ ɔ hu.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Marko 12:26

Se kaa ni gbogboehi maa te si ekohu ɔ, anɛ nyɛ kane we mio tso ɔ he sane ɔ ngɛ Mose womi ɔ mi? Lejɛ ɔ nɛ a ngma ngɛ ke Mose ke, ‘Imi ji Abraham, Isak, kɛ Yakob a Mawu ɔ nɛ.’

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Mose II, 4:5

Yawɛ de ke, “Enɛ ɔ maa tsɔɔ Israel bi ɔmɛ kaa Mawu ɔ nɛ a nɛmɛ Abraham, Isak, kɛ Yakob ja lɛ ɔ je e he kpo tsɔɔ mo.”

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Luka 20:37

Mose nitsɛ tsɔɔ kaa a ma tle ni gbogboehi si kɛ ba wami mi ekohu. Ngmami ɔ mi he nɛ a tu hue kpɔ ɔ nɛ ngɛ tsoe ɔ he munyu ngɛ ɔ, Mose wo Nyɔmtsɛ ɔ biɛ ta ngɛ lejɛ ɔ ke, ‘Abraham, Isak, kɛ Yakob a Mawu.’

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Hebribi 11:40

Ejakaa Mawu to blɔ nya kpakpa ha waa kɛ mɛ tsuo, nɛ ja wa piɛ he loko níhi maa hi kɛ pi si.

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.