Hebribi 10:34 - BAIBLO ALOO NGMAMI KLƆUKLƆU Ɔ

³⁴ Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Somi He Ɔ

³⁴ Nyɛ muklii mi sa nyɛ ngɛ ninɛmɛ nɛ a bɔ mɛ pa amɛ a he, nɛ nyɛ nihi nɛ a ha amɛ hu nyɛɛ kɛ bua jɔmi kplɛɛ, akɛnɛ nyɛ le kaa nyɛ ngɛ juetli nɛ hi pe kɔlɔ ɔ babauu nɛ hii si daa ngɛ hiɔwe ɔ.

Hebribi 10:34 ပူးပေါင်းရင်းမြစ်များ

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Efesobi 6:20

Sane kpakpa nɛ ɔ he nɛ, i ba pee Yesu Kristo bɔfo, pohu amlɔ nɛ ɔ, a wo mi kɔsɔkɔsɔ. Nyɛ kpa pɛɛ konɛ ma fiɛ kɛ kã kaa bɔ nɛ sa nɛ ma tu munyu ɔ.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

1 Timoteo 6:19

Ke a pee ja a, a maa to juetli kpakpa si ha a he kɛ ha hwɔɔ se; nɛ a nine maa su wami nɛ ngɛ kɛ yaa neneene ɔ nɔ.

Kolosebi 1:5

Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Ni Tsumi 21:33

Jehanɛ asafoatsɛngua a hɛ lɛ kɛ su Paulo he, nɛ e pɛtɛ e he, nɛ e fa ke a wo lɛ kɔsɔkɔsɔ enyɔ. Kɛkɛ nɛ e bi ke, “Nyumu nɛ ɔ, mɛnɔ ji lɛ; nɛ mɛni e pee?”

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Mateo 19:21

Yesu de lɛ ke, “Ke o ngɛ hlae nɛ o hi kɛ pi si ɔ, yaa nɛ o ya jua níhi nɛ o ngɛ ɔ, nɛ o ngɔ sika a kɛ ha ohiatsɛmɛ, nɛ o ma na juetli ngɛ hiɔwe. Kɛkɛ ɔ, kpale kɛ ba nɛ o ba nyɛɛ ye se.”

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Ni Tsumi 28:20

Ní nɛ ɔmɛ a he je nɛ i tsɛ nyɛ kɛ ba, konɛ i kɛ nyɛ nɛ sɛɛ ní. Anɔkuale mi ɔ, kɔsɔkɔsɔ nɛ ngɛ ye he nɛ ɔ, nɔ nɛ Israel bi ngɔ a hɛ kɛ fɔ e nɔ ɔ he a wo mi ngɛ.”

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Luka 9:25

Mɛni se nɔmlɔ ma na, ke e nine su je ɔ tsuo nɔ, nɛ lɛ nitsɛ e hɛ mi kpata a?

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

Hebribi 13:14

Ejakaa wa be ma nɛ ngɛ daa ngɛ zugba a nɔ hiɛmɛ nɛ ɔ, se ma nɛ maa ba a mohu se blɔ wa ngɛ hlae.

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.