Hebribi 10:30 - BAIBLO ALOO NGMAMI KLƆUKLƆU Ɔ

³⁰ Ejakaa wa le kaa Nyɔmtsɛ ɔ lɛ de ke, “Ma ye ye he lue! Ma gbla a tue ngɛ yayami nɛ e pee ɔ he.” Lɛ nɔuu lɛ e de ke, “Ma kojo ye ma a.”

Somi He Ɔ

³⁰ Ejakaa wa le nɔ nɛ de ke: “Ye nɔ ji tue gblami, imi ma wo he hiɔ” ɔ. Nɛ jehanɛ: “Nyɔmtsɛ ɔ maa kojo lɛ nitsɛ e ma a.”

Hebribi 10:30 ပူးပေါင်းရင်းမြစ်များ

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”

Nahum 1:2

Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

La 50:4

E maa kojo e ma a; lɔ ɔ he ɔ, e ngɛ hiɔwe kɛ zugba odase tsɛe.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

La 135:14

Yawɛ ma fa e ma a he; e maa na e tsɔli ɔmɛ mɔbɔ.

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

Yesaya 61:2

Yawɛ ke ma ya fiɛ ke be ko nɛ sa Yawɛ hɛ mi ma. Be nɛ Mawu maa gbla nihi a tue, kɛ kɔmɔ yeli a bua womi be ɔ su ta.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Ezekiel 18:30

“Lɔ ɔ he ɔ, imi Nyɔmtsɛ Yawɛ nitsɛ ma kojo Israel ma a tsuo; nɔ tsuaa nɔ ɔ, bɔ nɛ e ba e je mi ha a nɔ ma da kɛ kojo lɛ. Nyɛ kpa yayami ɔmɛ tsuo nɛ nyɛ ngɛ pee ɔ mɔ, konɛ nyɛ yayami ɔmɛ ko kpata nyɛ hɛ mi.

Ezekiel 34:17

“Jehanɛ, nyɛ ye to kuu, bɔ nɛ imi Nyɔmtsɛ Yawɛ, i ngɛ nyɛ dee ji nɛ ɔ nɛ: Ma kojo jijɔ kake kɛ jijɔ kake a kpɛti; ma kojo akpakpo ɔmɛ kɛ agbosu ɔmɛ a kpɛti.

Yesaya 63:4

I pee ye yi mi momo kaa ma gbla he nyɛli ɔmɛ a tue; lɔ ɔ he ɔ, ma he ye ma a yi wami; ejakaa be ɔ su jehanɛ.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

La 94:1

Yawɛ, mo Mawu nɛ o yeɔ lue, mo je o he kpo koo!

Mose III, 19:18

Koo ye mo nitsɛ o he lue, nɛ koo nyɛ o ma a mi bi ɔmɛ a ti nɔ ko nɔ ko; se mohu, moo suɔ o nyɛmi nɔmlɔ kaa bɔ nɛ o suɔ mo nitsɛ o he ɔ. Imi ji Yawɛ.

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.