Hebribi 10:11 - BAIBLO ALOO NGMAMI KLƆUKLƆU Ɔ

¹¹ Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.

Somi He Ɔ

¹¹ Osɔfo tsuaa osɔfo ɔ, ligbi tsuaa ligbi ɔ, e daa si nɛ e sɔmɔɔ, nɛ e saa jamɛ a bɔ ɔmɛ nɔuu kpitikpiti, nihi nɛ nyɛ we yayami nɛ a je ligbi ko ligbi ko ɔ.

Hebribi 10:11 ပူးပေါင်းရင်းမြစ်များ

Hebribi 10:4

Ejakaa na muɔ, kɛ to muɔ be nyɛe ma je yayami gblegbleegble.

Hebribi 5:1

Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Mose IV, 28:3

“Mo de mɛ ke, sami bɔ nɛ nyɛɛ sã kɛ ha Yawɛ ji, daa ligbi ɔ, jijɔ ku enyɔ nɛ a ye jeha kakaaka, nɛ kpa ko kpa ko be a he.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Yesaya 1:11

Yawɛ ke, “Bɔ ɔmɛ tsuo nɛ nyɛ ngɔɔ kɛ ba haa mi ɔ, anɛ nyɛ susuɔ kaa i suɔ lo? To ɔmɛ nɛ nyɛ kɛ ba sãã bɔ, kɛ lohwe kpakpa amɛ a zɔ ɔ hiɛ tsɔ ha mi. Na kuhi, kɛ jijɔhi, kɛ akpakpohi a muɔ ba ti mi.

Hebribi 10:1

Yuda bi ɔmɛ a mlaa a ngɛ kaa ní kpakpahi nɛ hi kɛ pi si nɛ maa ba hwɔɔ se ɔ a nini kɛkɛ, pi ní ɔmɛ nitsɛmɛ. Lɛɛ kɛ a maa pee kɛ gu kikɛmɛ a bɔ kake too nɛ a hii sãe nɔtonɔto daa jeha a nɔ kɛ tsu nihi nɛ baa Mawu ngɔ ɔ a he nɛ a hi kɛ pi si kɛɛ?

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Daniel 9:21

Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Ezekiel 45:4

He klɔuklɔu nɛ ɔ, a kɛ ha osɔfo ɔmɛ nɛ sɔmɔɔ ngɛ Yawɛ we ɔ. Hiɛmɛ nɛ ɔ nɛ a maa ma a wehi, kɛ Yawɛ we ɔ nitsɛ ngɛ.

Mose IV, 29:6

Nyɛɛ sã bɔ nɛ ɔmɛ kɛ piɛ daa Nyɔhiɔhe kekleekle ligbi sami bɔ ɔ, kɛ ngma bɔ ɔ a he; slo daa sami bɔ ɔ, kɛ e he ngma bɔ ɔ, kɛ e he wai bɔ ɔ ngɛ a blɔ nya blɔ nya. Enɛ ɔmɛ maa pee bɔhi nɛ a kɛ la sãã, nɛ jee via, nɛ saa Yawɛ hɛ mi.

Mose IV, 28:24

Ja nɔuu, a sã niye ní bɔ ligbi kpaago kɛ ha Yawɛ. Enɛ ɔ ji bɔ nɛ a kɛ la sãã, nɛ jeɔ via saminya ha Yawɛ; slo enɛ ɔ ngɛ daa sami bɔ ɔ, kɛ e he wai bɔ ɔ he.

Mose II, 29:36

Daa ligbi ɔ, o maa ngɔ na ku kake kɛ sã bɔ kɛ ha yayami pami. Enɛ ɔ maa tsukɔ bɔ sami la tɛ ɔ he, nɛ́ e pee klɔuklɔu.

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

Hebribi 8:2

E sɔmɔɔ ngɛ he klɔuklɔu pe kulaa nɛ ji bo tsu nitsɛnitsɛ nɛ Nyɔmtsɛ ɔ nitsɛ ma, se pi nɔmlɔ adesa ko nɛ ma a.

Hebribi 8:4

Je nɛ ɔ mi nɛ e ngɛ jinɛ e be osɔfo yee kulaa. Ejakaa osɔfohi ngɛ nɛ ngɔɔ nike ní kɛ haa Mawu kaa bɔ nɛ Yuda mlaa a tsɔɔ ɔ.