Hebribi 10:10 - BAIBLO ALOO NGMAMI KLƆUKLƆU Ɔ

¹⁰ Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

Somi He Ɔ

¹⁰ A kɛnɛ Yesu Kristo pee Mawu suɔmi nya ni he je ɔ, a tsukɔ wa he kɛ gu e nɔmlɔ tso nɛ e kɛ ha si kake nyɔngloo ɔ nɔ.

Hebribi 10:10 ပူးပေါင်းရင်းမြစ်များ

Hebribi 10:14

Enɛ ɔ tsɔɔ kaa bɔ kake too ɔ nɛ Kristo ngɔ e he kɛ sã a ha nɛ nihi tsuo nɛ Mawu tsu a he ɔ hi kɛ pi si kɛ yaa neneene.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Yohane 17:19

A he ɔ, i peeɔ ye he klɔuklɔu, bɔ nɛ pee nɛ mɛ hu a pee mɛ klɔuklɔu ngɛ anɔkuale mi.

Hebribi 13:12

Jã kɛ̃ Yesu hu na amahehlu ngɛ ma a agbo ɔ se, konɛ e ngɔ lɛ nitsɛ e muɔ ɔ kɛ je ma a he yayami.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Hebribi 10:20

Yesu gu tsu mi pomi bo nɛ ji lɛ nitsɛ e nɔmlɔ tso ɔ mi nɛ e bli blɔ he nɛ yaa wami mi ha wɔ.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

Yohane 19:34

Mohu ta buli ɔmɛ a ti nɔ kake kɛ e we akplɔ ɔ gbɔ Yesu kasa mi; nɛ amlɔ ɔ, muɔ kɛ nyu je mi kɛ be.

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Hebribi 10:5

Enɛ ɔ he je ɔ, benɛ Kristo ma je ɔ mi ɔ, e de Mawu ke, “Bɔ nɛ a sãã, kɛ nike ní ɔ, o hla we, se o ha mi nɔmlɔ tso.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.