Hebribi 1:7 - BAIBLO ALOO NGMAMI KLƆUKLƆU Ɔ

⁷ Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Somi He Ɔ

⁷ Nɛ hiɔwe bɔfo ɔmɛ ɔ, e de ngɛ a he ke: “Nɔ nɛ plɛɛ e bɔfo ɔmɛ ngɔ peɔ kɔɔhiɔhi, Nɛ e sɔmɔli ɔmɛ hu e peɔ mɛ la lilɛhi” ɔ.

Hebribi 1:7 ပူးပေါင်းရင်းမြစ်များ

La 104:4

O ngɔ kɔɔhiɔ kɛ pee o tsɔlɔ, nɛ oslabai la a pee o sɔmɔlɔ.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Matsɛmɛ II, 6:17

Kɛkɛ nɛ Elisha sɔle nɛ e de ke “Yawɛ, i kpa mo pɛɛ, bli e hɛngmɛ nɛ e hyɛ nɔ́.” Yawɛ bli niheyo ɔ hɛngmɛ; nɛ benɛ e ke e hyɛɛ ɔ, la okpɔngɔhi, kɛ la ta zugba lɛhi babauu ji nɛ ɔ ngɛ yoku ɔ nɔ nɛ bɔle Elisha kɛ kpe.

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.