Hebribi 1:3 - BAIBLO ALOO NGMAMI KLƆUKLƆU Ɔ

³ Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Somi He Ɔ

³ nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.

Hebribi 1:3 ပူးပေါင်းရင်းမြစ်များ

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Hiob 37:22

Je mi tsɔ hleii kaa sika tsu ngɛ omleyi je; Mawu hɛ mi nyami ɔ ngɛ gbeye.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 75:3

Je ɔ kɛ e mi níhi tsuo ma mimiɛ; se imi ma ha je ɔ sisi tomi ɔmɛ maa ma si kpɛii.

Fiɛlɔ 8:4

Ke matsɛ tu munyu ɔ, he wami ngɛ se. Mɛnɔ ma nyɛ ma de matsɛ ke, “Mɛni lɛ o pee nɛ ɔ?”

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Mateo 22:24

“Tsɔɔlɔ, Mose de ke, ke nyumu ko gbo, nɛ e be bimɛ ɔ, e nyɛmi nɛ ngɔ e yalɔyo ɔ, konɛ e wo ngmɛdu ha e nyɛmi nɛ be je mi ɔ.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 1:4

Wami ngɛ Munyu ɔ mi, nɛ wami nɛ ɔ ngɔ la ba ha nimli adesahi.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ni Tsumi 7:56

Kɛkɛ nɛ e de ke, “Nyɛɛ hyɛ, i na hiɔwe nya nɛ bli nɛ Nɔmlɔ Bi ɔ daa si ngɛ Mawu hiɔ nɔ!”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 1:13

Mawu de we Mawu bɔfo ɔmɛ a ti nɔ ko hyɛ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Hebribi 9:16

Loko a maa ngɔ nɔ ko gbosi ní yemi he blɔ nya tomi womi kɛ tsu ní ɔ, e hia kaa a ye odase kaa niinɛ nɔ ɔ be je mi hu.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

2 Petro 1:17

Wa ngɛ lejɛ ɔ benɛ Tsɛ Mawu wo e hɛ mi nyami ɔ. Jamɛ a be ɔ, gbi pɛ kɛ je hɛ mi nyami kpetekpleenyɛ ɔ ngɔ ke, “Nɔ nɛ ɔ ji ye Bi nɛ i suɔ, nɛ i naa e he tsui!”

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”