Hebribi 1:14 - BAIBLO ALOO NGMAMI KLƆUKLƆU Ɔ

¹⁴ Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Somi He Ɔ

¹⁴ Anɛ mɛ kulaa a, pi mumihi nɛ sɔmɔɔ ji mɛ, nɛ nihi nɛ ma na yi wami hemi ɔ a sɔmɔmi he je nɛ a tsɔ mɛ?

Hebribi 1:14 ပူးပေါင်းရင်းမြစ်များ

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Ni Tsumi 5:19

Se nyɔ mi ɔ, Nyɔmtsɛ ɔ bɔfo ba bli tsu ɔ nya sinya amɛ, nɛ e je mɛ; nɛ e de mɛ ke,

Ni Tsumi 12:7

Tlukaa a, Nyɔmtsɛ ɔ bɔfo ko ba da e kasa nya, nɛ la kpɛ ngɛ tsu ɔ mi. Bɔfo ɔ gba Petro konɔ ma nɛ e tsɛ̃ɛ̃ lɛ ke, “Tee si esɔ!” Amlɔ ɔ, kɔsɔkɔsɔ ɔmɛ kplɔ ngɛ e nine.

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Mateo 1:20

Se benɛ Yosef ngɛ nɔ́ nɛ ɔ he susue ɔ, Nyɔmtsɛ ɔ bɔfo je e he kpo tsɔɔ lɛ ngɛ nlami mi, nɛ e de lɛ ke, “Yosef, David nina, koo ye gbeye kaa o kɛ Maria maa hi si kaa o yo; hɔ nɛ e hɛɛ nɛ ɔ je Mumi Klɔuklɔu ɔ mi.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Luka 16:22

“Ohiatsɛ ɔ ba gbo, nɛ bɔfohi ba ngɔ lɛ kɛ ho Abraham mi si ya. Niatsɛ ɔ hu ba gbo, nɛ a pu lɛ.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Luka 2:9

Tlukaa a, Nyɔmtsɛ ɔ bɔfo ko ba je e he kpo tsɔɔ mɛ. Nyɔmtsɛ ɔ hɛ mi nyami kpɛ kɛ bɔle mɛ, nɛ a ye gbeye wawɛɛ.

Luka 2:13

Si kake too ɔ, hiɔwe bɔfohi a ta nguaa ba piɛ bɔfo ɔ he, nɛ a la kɛ je Mawu yi ke,

La 104:4

O ngɔ kɔɔhiɔ kɛ pee o tsɔlɔ, nɛ oslabai la a pee o sɔmɔlɔ.

Mateo 2:13

Benɛ ní leli ɔmɛ je ɔ, Nyɔmtsɛ ɔ bɔfo ko je e he kpo tsɔɔ Yosef ngɛ nlami mi, nɛ e de lɛ ke, “Herode ma ba hla bimwɔyo ɔ nɛ e gbe lɛ. Lɔ ɔ he ɔ, tee si! Ngɔɔ bimwɔyo ɔ, kɛ e nyɛ ɔ, nɛ o kɛ mɛ nɛ tu fo kɛ ya Egipt. Nyɛ ya hi lejɛ ɔ kɛ yaa si be nɛ ma to mo.”

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yuda 1:14

Henok, Adam nina tutuutu ekpane ɔ, nɔ́ nɛ e gba blema lokoo ngɛ nimli nɛ ɔmɛ a he ji nɛ ɔ nɛ: “Nyɔmtsɛ ɔ ma kɛ e bɔfo klɔuklɔuhi akpeakpe abɔ.

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

Hebribi 6:17

Lɔ ɔ he ɔ, bɔ nɛ pee nɛ nihi nɛ Mawu wo mɛ si ɔ, a yi mi nɛ tɛ mɛ kaa Mawu tsakee we e yi mi tomi ɔ, e ka kita kɛ ma nɔ mi.

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Filipibi 2:25

Wa nyɛmi Epafrodito nɛ nyɛ tsɔ lɛ ye ngɔ ɔ, e kɛ mi ba tsu ní saminya kaa ta bulɔ kpakpa. E sɔmɔ mi bɔ nɛ sa, nɛ amlɔ nɛ ɔ, ye juɛmi nya a, e hia kaa ma wo lɛ blɔ kɛ ba nyɛ ngɔ.

2 Korintobi 9:12

Ejakaa ní tsumi nɛ nyɛ ngɛ tsue ɔ, pi kaa wa nyɛmimɛ ɔmɛ nɛ heɔ yeɔ ɔ a hiami níhi kɛkɛ nɛ nyɛ ngɛ pee ha mɛ. Nihi babauu hu ngɛ Mawu si nae kɛ gu sɔlemi mi.

Romabi 15:27

Mɛ nitsɛmɛ lɛ a to kaa a maa pee enɛ ɔ lɛɛ, se anɔkuale mi ɔ, a blɔ nya ní tsumi ji kaa a ye bua mɛ. Mumi mi nike ní nɛ Mawu ha Yuda bi ɔmɛ ɔ, a kɛ ma je li ɔmɛ nɛ dla; enɛ ɔ he ɔ, e sa kaa ma je li ɔmɛ hu, he lo mi ní kpakpahi nɛ Mawu ke mɛ ɔ, a kɛ eko nɛ sɔmɔ Yuda bi ɔmɛ.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 13:6

Enɛ ɔ he je nɛ nyɛ woɔ tó ɔ nɛ. Ejakaa nɔ yeli ɔmɛ ɔ, Mawu tsɔli ji mɛ; nɛ ní tsumi pɔtɛɛ nɛ a tsuɔ ji nɛ ɔ nɛ.

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Ni Tsumi 11:22

Asafo ɔ nɛ ngɛ Yerusalem ɔ nu sane nɛ ba nɛ ɔ. Lɔ ɔ he ɔ, a tsɔ Barnaba Antiokia.

Luka 1:23

Be nɛ Zakaria sɔmɔmi be ngɛ sɔlemi we ɔ nya ta a, e kpale kɛ ho we mi ya.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Hiob 1:6

Ligbi ko ɔ, Mawu bimɛ ɔmɛ ba bua a he nya ngɛ Yawɛ hɛ mi, nɛ Satan hu piɛ a he kɛ ba.

1 Petro 3:7

Nyɛ hunomɛ ɔmɛ hu, ke nyɛɛ kɛ nyɛ yi ɔmɛ ngɛ ɔ, nyɛɛ na nya ha mɛ saminya kaa ngɛ nɔmlɔ tso blɔ fa mi ɔ, yo he wɛ tsɔ. Nyɛɛ bu mɛ, ejakaa Mawu ma ha nyɛɛ kɛ mɛ tsuo ma na wami kaa dloomi ní nɛ je lɛ Mawu ɔ ngɔ. Nyɛɛ pee enɛ ɔ, konɛ nɔ́ ko kó tsi nyɛ sɔlemi blɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.

Hebribi 8:6

Amlɔ nɛ ɔ lɛɛ osɔfo ní tsumi nɛ a ha Yesu ɔ pã osɔfo ɔmɛ a nɔ́ ɔ kulaa. Jã kɛ̃ somi nɛ Yesu ha nɛ Mawu kɛ e ma a so ɔ hu pe a nɔ́ ɔ, ejakaa Mawu wo mɛ si ngɛ ní kpakpahi nɛ pe kekle ní ɔmɛ a he.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Galatabi 3:9

Abraham he Mawu ye, nɛ Mawu gbaa lɛ. Nɔ tsuaa nɔ nɛ heɔ yeɔ ɔ, bɔ nɛ a gbaa Abraham ɔ, jã a maa gbaa lɛ.

Galatabi 3:7

Lɔ ɔ he ɔ, nyɛ ná nyɛɛ le kaa nihi nɛ heɔ Mawu yeɔ ɔ, mɛ ji Abraham nina.

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

Ni Tsumi 16:26

Tlukaa a, zugba mimiɛ wawɛɛ, nɛ tsu ɔ, kɛ e sisi tomi ɔ tsuo mimiɛ. Amlɔ ɔ, sinya amɛ tsuo bli, nɛ kɔsɔkɔsɔ ɔmɛ kplɔ ngɛ pamitsɛmɛ ɔmɛ a he.

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Mose I, 32:24

nɛ e ba piɛ lɛ Yakob ɔ nɔ kake ngmelu ngɛ se. Kɛkɛ nɛ nyumu ko kɛ lɛ ba fia atlibo kɛ ya si makɛ.

Mateo 4:11

Kɛkɛ nɛ Abosiami si lɛ, nɛ bɔfohi ba nɛ a ba sɔmɔ lɛ.

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.